السلام عليكم ورحمة الله وبركاته
:) طبعا إحنا البنات بطبيعتنا نحب الكشخة والأناقة والتزين ..
وطبقا لخبرتي سوف أضع لكم أفضل المشاغل بالمنطقة الشرقية ( الخبر ) بالسعودية
وطبعا اثنين جربتهم أنا بنفسي والباقي جمعتهم من النت
واللي جربتهم بنفسي أنا هم ..
مشغل هيفا >> ويمتاز أكثر شي باالقص عند البنانية نجوى - آسيا وأيضا بالصبغات عند آسيا
مشغل النافع << ويمتاز بالصبغات وخاصة عند المغربية نادية
طبعا بمشغل هيفا أنا أكثر شي أقص عند نجوى البنانية ومررره رووعة قصها وآسيا صبغت شعري عندها مره حلووو
وبمشغل النافع ما جربت القص لكن جربت صبغ الشعر مموش ( هاي لايت ) قمة الروووعة عند نادية
بس هذا اللي جربتهم شخصيا وسمعت بمشغل هيفا يقولون الفلبينية ليتا قصها حلوو بعد بس ما جربتها
المهم وهذي بعض المشاغل منقولة من مواقع متعددة وماعندي أي خبرة عنها وهي
مشغل ساس
يشتهر اكثر شي بالتسريحات عن (سوزي)<<<تطلعك وااااو
وعندهم المكياج كمان حلو عند (فيفيان)لبنانيه
مشغل لاميزون:
يشتهر طبعا بالقص جدا جدا رائع عند (بارعه
مشغل روج:
مشغل لهنديه والمبنى رايح فيهااا
بس يشتهرون بالحف بالحلاو لانهم هم الي يسوونها عندهم وهم هنديات
ايضا مشهورين بحمام الزيت (زيوت من الهند) ويسوون مساج مع حمام الزيت
وتشقيرهم مرتب يطلعك كنك حافه
مشغل بروفايل:
ايضا الحلاو عندهم شغل مرتب مررره
والتشقير بعد جدا حلو ورسماتهم دقيقه
مشغل السنديان:
اكثر شي يشتهر فيه القص اما الباقي ماعرف
مشغل فاشن:
مكياجهم حلو ورايق ومره كيوت يعجب البنوتات
مشغل العزيزيه:
اضن اسمه كذا هذا الي عند بنده العزيزيه عند تويز ار اص يمدحوووون قصه وشفت بنات قاصين عنده صراحه مرررره روعه قصها
المهم لا تنسون هذي المشاغل بس بالخبر
وبس أتمنى يعجبكم الموضوع وأي بنت جربت عند المشاغل المذكورة تقول وش جربت وعند أي كوفيره
أتمنى تستفيدون من الموضوع
والسلام عليكم ورحمة الله وبركاته
:)
Misuzu @misuzu
عضوة
يلزم عليك تسجيل الدخول أولًا لكتابة تعليق.
خبزة لوز وعسل
•
يعطيك العافيه أختي
الف شكر لصاحبة الموضووووع .
نكفوووون اللي تعرف مشغل روج وين مكانه بالضبط والا رقمها
الله يجزاكم خير
نكفوووون اللي تعرف مشغل روج وين مكانه بالضبط والا رقمها
الله يجزاكم خير
مشغل سلا بالسويكت خلف الحصان روووعه فرد الكيراتين مره رهيب والمساج ولبديكير والحف والحمام المغربي والصبغات النافع عندك عند ناديه
الصفحة الأخيرة