شوفي يأم خلود
بصراحة إلى الآن وزوجي رافض فكرة أنه يلفلف فيني على المحلات
ويقول خلي المقاول هو اللي يختار اللي يشوفه <<<
طبعاً مو بيته بيت ماما<<<<

لكن بأحاول فيه <<< الله يسخره
ومن كلامك والصور عجبتني المغاسل الرومانيه مررررره
بس يكون اللي تحت الحوض مو خشب <<<
وش رايك ؟؟؟؟
وإذا تتذكرين المحلات اللي تبيعها فين ؟؟؟
وأهم شي السعر حلو
الميزانية تكح <<< مع غلا الأسعااار

هلا اختي .. فيه محل اسمه ( احواض السيراميك ) بمخرج 7 على ما اعتقد

عندهم مغاسل رايقه ومودرن وأسعارهم جداً معقوله

وعلى فكره فيه بعض المغاسل ستايلها نفس اللي عند محلات المغامس بس فرق بالسعر

لأن اسعارهم مناسبه للجميع

انصحك بالرخام الصناعي والله روعه شكل وعملي مره طبعا هو موديلات كثيره انا سويت مغاسل الحريم من النوع هذا من الريدجان في شارع التخصصي الثنتين ب4000ومغاسل الرجال خشب ضد المويه كانها مدخل فخمه مره المتر ب3000 عند القصر في شارع التخصصي وتعاملهم روعه رجعت كم مره عشان يحط اللون الي بالي ويتقبل

يالله كتبت الرد من قريت الصفحه الاولى تحمست معك لاني عايشه الموقف يوم افصل مغاسلي وبعد ما طلعت الصفحه الاخيره شفت الردود البنات ماقصروا وخاصه ام خلود
شفتي الصوره الاولى نفس مغسله الرجال عندي بالضبط بس بدون الادراج اللي في الوسط وهذي عند قصر المغاسل اللي قلت عليه

من خلال تجربة الرخام عملي وسهل التنظيف أنا حطيت مغاسل الرجال زجاج مع إستيل كشخة بس متعب في التنظيف ....