السلام عليكم ورحمه الله وبركاته
يا بنات المنتدى الحلوين
مشكوريين على جميع الخلطات والوصفات الطبيعيه
الي قاعدين تساهمون فيها وتحطون لنا أفضل تجاربكم
في مجال الجمال والعنايه بالبشره
بس لا ننسا إنه من المهم والضروري للبشره
إنا نعملها جلسه تنظيف البشره مره بالشهر
على الأقل !!!!!!
ليش ؟؟؟؟؟؟؟
لأنه مع مرور الزمن الوحده تكبر :06:
ولازم نكثف من العنايه بالبشره والوجه
ومهما حطينا في البيت من مواد وكريمات
ما راح نحصل ذيك النتيجه الباهره .
فجلسه التنظيف ينعمل فيها مساج وتقشير وتفتيح
مسامات وتنظيفها بعمق . وتدليك عميق للعضلات
الي في الوجه .
والنتيجه بشره نظره ومتألقه بشده ..
الحين نيي للسؤال المهم ؟؟؟
ويييين نسوي أحسن جلسه تنظيف بالكويت ؟؟؟؟؟
أبي نصيحتكم يا خواتي يا حبيباتي ؟؟؟
أنا نصحوني بمستشفى الراشد وجاك الشعب ..
إختي سوت في سبا تايم وايد يوم يت من الجلسه
لاحظنا الفرق على ويها بس طريقتهم ما تنظف المسامات .
فيالله أب همتكم وتجاربكم وتجاوبكم ..
أنا مستنيه :time:
إختكم :
وحده إنمااااااااااااااااا
إيه
وحده كووووووووووول:27:
وحدة كووول @ohd_koool
محررة
يلزم عليك تسجيل الدخول أولًا لكتابة تعليق.
الصفحة الأخيرة
و الله المواضيع إلي تحطينها يا وحدة كووول قوية و مهمة .... راح أحطلك تجاربي مع تنظيف البشرة و إن شاء الله البنات بعد ما راح يقصرون....
شوفي أنا جربت هذا سبا تايم .... عااااااااااااادي ما في زود ... ما أدري شلون أختج عجبها .... ليش يا حلوة لأنهم يستخدمون الزيوت العطرية و بس مساج في هاذي الزيوت مع شوية بخار و ماسك يعني أنا ما حسيت بفرق في بشرتي ذاك الزود ....
و جربت تنظيف البشرة في عيادة بو حمرة هم ما عجبني ليش لأنها عرضت ويهي حق البخار وايد ناقصين تفتح مسامات و بعدين ما عجبتني نوعية المستحضرات مالتهم لأنها تقولي غمضي عيونك بس أنا مبطله عين و مسكرة الثانية جني قرصان بشوف شنو تحط و ناشبتها هذا شنو و ذاك ليش علشان أعرف بس هم ما عجبوني ....
و جربت بعد كم صالون تجميل عاااد هذولي أقولك لا تقربين يمهم لأنهم يستخدمون مستحضرات من الجمعية سويس فورمويلا و بودي شوب ما عندهم غيرهم و يقولون لك أحنا نستخدم كريتا و ماركات طبية....
شوفي حبيبتي أنا بعد راح أنصحك تروحين حق الإليزيوم وايد شطار خبيراتهم و موثوق فيهم .... و بعد في مكان ثاني بس ناسيته أعوذ بالله من أبليس لا ذكرت أقولك .....
تحياتي لك يا حلوة و نصيحة لا تكثرين من تنظيف البشرة مره كل ثلاث شهور وايد زينة و بين كل تنظيف و الثاني عاد جابلي نفسك بالماسكات و البيلنغ المنزلي
حبيبة :24: