السلام عليكم ورحمة الله وبركاته
قبل كم اسبوع بس بديت احس بحجم المسؤليه وان الزواج لاااازم له تبعات غير الأطفال و الخروج وو وو وو
لقيت نفسي ضايعه بين المطبخ و غرفة النوم والصاله والحمامات وبين نفسي و واهتمامي بنفسي
و أكتأبت أسبوعين و مرضت ... واتراكم الشغل على راسي وبدأت المعاناه .....
و نزلت موضوع عن تنظيفي لمطبخي و الحمدلله اتحسنت ،،، وبعدين اتنكست مع الإجازه اللي راحت واتلخبط كل شي ،،،
بس قررت امس بيني وبين نفسي اني خلاص أكتب الجدول اللي من زمان كنت اقول اني راح انفذه بالتفصيل
وحبيت أشارككم الإنجاز اللي بديت فيه من كم يوم والحمدلله ماباقي إلا الكوي بس و بقسمه عشان ما اتعب ولا أطفش
أول شي بالنسبه للي ينظفوا غرفه غرفه كل يوم هذا النظام فاشل .... فااااااشل ... ايش الفايده تنظفي غرفة النوم والصاله اللي جالسه فيها يومك كله وسخه؟؟؟؟
الإعتدال مطلوووب في كل شي
نبدأ بسم الله
النوم بدري أقصى حد 12 الليل ... :time: سهر مافيه :hahaha:
الإستيقاظ وقت صلاة الفجر ... الصلاة ثم الأذكار ثم تجهيز الفطور للي عندها أولاد في المدرسه أو دوام زوجها بدري
واللي ماعندها شي ترجع تنام الين 8 حلووو
للي يطبخوا غدا وعشا حلو لو تجهزي من بدري وتفرزني عشان بس تطلعي وتحمي او تحطي هذا على هذا وتطبخي
من 8-9 الفطور وهذا الشي ثابت لكل يوم والجلسه عالنت وياليت يكون تصفح سريع عالبيوت النظيفه وافضل طرق التنظيف عشان تتحفز النفس وتجي الهمه :)
----------------------------
يوم السبت :
من 9-11
تنفيض البيت كله بالمنفضه الريش
ترتيب الجرايد والمجلات و لملمة المواعين من البيت كله
كنس البيت بالمكنسه الكهربائيه
تمسيح الأثاث
هذا الكلام خاص بس بـ الصاله وغرفة النوم وغرفة الطعام
عمل ماسك للشعر ( أفضلها زيت اللوز والزيتون والخروع) بكميات متساويه
غسل المواعين
ثم غسيل الحمامات وتمسيح السيراميك
طبخ الغداء مخيره تحطيه عالنار في اي وقت حسب موعد الأكل
انا أطبخ 5 العصر عشان زوجي يجي 7 المغرب :icon33:
-------------------------------
يوم الأحد :
9-12 تنضيف الصوالين والحمامات التابعه لها
+
كنس صالة الجلوس وتعطيرها ومسح البقع لو وجدت
طبخ الغدا
غسل المواعين
غسل الملابس البيضاء كلهااااااا بالذات اللي عندها غسالة اوتوماتك لاتتكاسل مرررررره
وإذا كانت قليل غسلوا الملون عشان يصير الكوي يوم الإثنين والثلاثاء
واعتقد ان هاليومين انسب شي للي يحبوا الطلعات يوم الأربعاء
عمل تنضيف للبشره ( حمام بخار + صنفره + موية ورد لإغلاق المسام + كريم مرطب )
عمل بديكير لليدين والرجول
------------------------------
يوم الإثنين :
تنفيض البيت عالسريع برضو و مسح البقع لو وجدت والكنيس
+ الكوي حسب أهمية الملابس عندك
طبخ الغدا وغسيل الحمامات عالسريع
غسل المواعين
-----------------------------
يوم الثلاثاء :
نفس يوم السبت تقريباً و التشييك على الصوالين تحسباً لزيارة أي أحد + تمسيح السيراميك
+ كوي الملابس الباقيه
طبخ الغدا + غسيل المواعين
+تنضيف الجسم بالحلاوه شهرياً
----------------------------
يوم الإبعاء :
طبخ غدا + غسيل المواعين
كنيس عالسريع و تعطير البيت
خروج أو جلوس مع الأطفال والزوج
---------------------------
الخميس راحه
---------------------------
الجمعه تنضيف سريع للبيت ماعادا الصوالين بالذات لو مازارك أحد وتعطير البيت و عمل الغداء + غسيل المواعين
غسل الحمامات عالسريع
----------------------------
يعني نستخلص الآتي :
كل يوم نشيك عالبيت من إلى و ننضف لكن التقيل تقيل نخليه كل يوم شي
يعني دولابك حايس مو ترتيبه وتسيبي البيت لاااا ،،، رتبي البيت كله وبعدين رتبي الدولاب
ويوم دولاب الملابس
يوم درج التسريحه
يوم دولاب المطبخ حق القدور
يوم رف الكاسات
ولازم نحافظ عالنتيجه
وبإذن الله خلال اسبوعين 14 يوم البيت كله راح يكون من أحسن مايكون وبعد فتره الكسلانه تصير ماتقدر تجلس عالوسخ وتقوم تنضف من نفسها :35:
اتمنى اني أكون أفدتكم وهذا الجدول خااااص لربات البيوت يعني الموظفات انا ما اعرف معاناتهم فهذا الجدول راح يساعد ربات البيوت كتير و حديثات الزواج مثلي :)
والصلاااااة أول مايأذن هذا الشي يخليكي تشتغلي وتجلسي وانتي مرتاحه
اتمنى دعوه حلوه منكم بإن الله يشفيني انا وزوجي وأمي وأبوي وكل أهلي من كل مرض و يحفظ لي ذريتي ماعلى منها ويرزقني بالذريه الصالحه المعافاه ... ولكم بمثل ماتدعون لي :)
هذا رابط موضوع لي بيفيدكم في مواد التنضيف اللي استخدمها
http://forum.hawaaworld.com/showthread.php?t=3031760
مدى السلطان @md_alsltan
محررة برونزية
أفضل جدول للتنظيف والترتيب ... ولكِ أيضاً ... :) ... اتفضلوووااا وأحكموواااا
26
6K
يلزم عليك تسجيل الدخول أولًا لكتابة تعليق.
الصفحة الأخيرة
مجهود يستحق الشكر.