أفضل خشب وأفضل ألوان للرسم عليه.

مرحبا يا الريم77 .... فكره حلوه .. وانا عندي شوية معلومات إنشالله اتفيدج ..

نحن في البيت عندنا نفس الشي فصلنا البوفيه عند نجار .. وايد شاطر الصراحه متقن ونظيف .. ولو كنت في بوظبي كنت صورتلج إيه عشان اتشوفين كيف شغله رهيب اتقولين جاهز... وللأسف لو عندي رقم النجار كنت عطيتج إيه .. بس بحاول أيبلجيها.. إنشالله :27:

بالنسبه لأحسن خشب ... خشب التيك .. بس لونه يكون Pearch .. خشب فاتح نفس اللي في الصوره .. أريح لج وقت الرسم و التلوين ..

اللألوان ...

فيه أنواع وايد .. ممكن تستخدمينها .. حق الخشب وغيره ...

أول شي و أهم شي إذا فصلتي الخزانه .. لا يحطلج عليها ورنيش .. لأنه الورنيش يلامع و انسيابي ومستحيل تقدرين اتسوين شي ع الخشب وبيكون شغلج راح ع الفاضي ..

ثانيا .. إذا بتلونين مساحه كبيره فهاتي من جوتن اللون الأبيض المطفي المائي .. و الأفضل لو تصبغين الخزاين كامله.. عشان تتحكمين بالشغل .. لأن الأساس الأبيض أوضح و أفضل...

ماركة الألوان ... إذا كنتي من بوظبي سيري الغصن الأخضر عندهم ماركة بيبو...
ماركه ومتقنه.. أنا بحطلج الأنواع و إنتي أختاري..
هذا النوع خصوصي للديكوريشن واساسه مائي
Pebeo Deco


هذا النوع أساسه مائي
Acrylic extra-fine


Acrylic Studio


هذا النوع أساسه زيتي
Huile fine XL



طبعا المائي اريح عن الزيتي من حيث الشغل اسهل في التنظيف و التغير .. والزيتي تأثيره روعه بس يجف ببطء ..
للزينه ..

يعطي ديزاينات بارزه
Crystal touch


يعطي تأثير الرخام
Marbling


شي أخير اسمه كراك .. هذا يعطي هالتأثير بس هذا تستخدمين أخر شي بعد الورنيش أو الطبقه الحافظ..


شي ثالث و مهم .. كل هالأنواع إذا زرتي الموقع .. www.Pebep.com
هو بالإنجليزي ..بس لو أحتجتي شرح أنا حاضره ...
كل هالألوان له طريقة الإستخدام والتنظيف والجفاف .. وكل المعلومات لازم تقرينه وبتعطيج صوره واضحه.. لطريقة التعامل معها ..

الرسم

كيف ترسمين ... ماتبين استنسل ... مع إنه حلو .. في حال غيرتي رايج ..مكتبة جرير عندهم تشكيله حلوه ..

لو تبين ترسمين من عندج.. هاي هي الخطوات ..

*تهيأين السطح يعني إذا بتلونينه وبعدين اتخلينه يجف عشان إذا بترسمين عليه

* أختاري الرسمات اللي تبينها

* كبريها بالحجم اللي تريدينه ( روحي محل التصوير وبيكبرلج إيها ..مكزدين في شارع حمدان)

*السطح اللي بترسمين عليه الأفضل يكون مائلا يعني ع الأرض .. عشان تاخذين راحتج .. وما تتبهدلين في التلوين ..

* نسخ الرسمه .. يا إنج تخرمين الرسمه الأساسيه بالأبره وتحطينها ع السطح اللي بترسمين عليها وتثبتينا بالزق وبعدين تيبين قطنه مبلله بلون فاتح بس يكون تقريبا جاف اوثقيل مش سايح وله بيبهدل الدنيا وتمسحين عالرسمه عشان اللون يتسرب للسطح من خلال الفتحات .. << اتمنى يكون شرحي مفهوم..

أو إنج تنسخين الرسمه بكربون بس استخدمي كربون الخياطه الملون احسن من الكحلي مال الطباعه لأنه بيوسخلج السطح .. وها طريقته إنج اتحطين الكربون مجلوب .. يعني ويها مجابل السطح .. وتحطين عليه الرسمه وبالقلم الرصاص بالقوه تعيدين ع الرسمه عشان تنطبع ع السطح .. << اتمنى يكون شرحي مفهوم..

*الحين اتسمين بسم الله وتبدين اتلونين .. طبعا كوني حذره جربي الألوان قبل لا تبدين اتلونين ع السطح الأساسي ..لاتكثرين الماي عشان ماينساب اللون .. خلي الأدوات قريبه منج .. وخلي في إيديج فوطه عشان تمسحين إذا احتجتي وعشان يكون شغلج نظيف..

*أخر شي ع حسب نوع الألوان اللي أستخدمتيها تنتظرين الوقت المناسب عشان اتجف والوقت المناسب عشان تحطين طبقة الورنيش .. وانتي تشترين الألوان خذي الورنيش أو أي طبقه حافظه .. عشان تعطي شغلج رونق .. وتحافظ عليه فتره طويله ..

زوري هالصفحه .. بتسفيدين منها ...

http://forum.hawaaworld.com/showthread.php?threadid=191434

إنشالله أكون فدتج .. أي معلومات ثانيه أنا حاضره ...
ونتمنى انشوف شغلج قبل وبعد والخطوات ... :26:

عن الخشب ما عندي فكرة،
لكن الالوان شوفي

هنا

DeSiGnEr_StYliSh
حبيبتي والله.
مشككككككككككككورة يا عمري على كل التفاصيل الجميلة التي ذكرتيها.
أنا غبت عن المنتدى من كتبت الموضوع وما قدرت أدخله في الأيام السابقة .
بس صدق ، كانت مفاجأة حلوة أن أجد كل هذا الرد وهذا الإهتمام .
وايد فرحت .
إن شاء الله سأحاول أن أصور مراحل العمل ، عندما أبدأ به ( شجعتيني ) .
ويا ليت تزوديني برقم النجار الخطير هذا .
على فكرة أنا واثقة في ذوقج.
معرفك ( دزاينر ستايلش ) ، وإلمامك بالألوان والأخشاب تعطي إنطباع إنك تملكين ذوق رائع.
أشكرج على الروابط أيضا أكيد سأستفيد منها.
سؤال أخير : فضولي شوي.
ليش أنت في إيطاليا.
مرة ثانية ألف شكر على المعلومات .

أم ريتا .
مشكورة على المعلومات .
سأستفيد من الموضوع في مشروع البوفية .

الريم 77 .... :26:

أسعدني كلامج الحلو والرقيق .. تسلمين ياعيوني .. هذا كله من ذوقج :26:

والله المعلومات هاي ولا شي ,, أنا أصلا كنت ناويه احطلج صور بس كنت اكتب قبل أذان الفجر وما اسعفني الوقت ...

وبالنسبه لرقم النجار... والله إنه تحفه .. شغله متقن .. بس كان رقمه مقطوع أخر مره .. وبحاول إيب رقمه الثاني.. إن شاء الله..

شو اسوي في إيطاليا .... زوجي عنده كورس .. ويايه معاه ... :27:

وأي سؤال أنا حاضره ...