أفضل دكتورة نساء وولادة في الدمام أو الخبر

المشاريع والافكار التجارية الشاملة

السلام عليكم ورحمة الله وبركاته..
صراحة أحترنا بذا المستشفيات..مره يقولون ما فيه إهتمام..ومره فلانه دخلت تمشي وطلعت مشلولة..ومرة يقولون توقف الطلق والدكتورة ضربتها..!! والله الواحد محتار ما يدري يصدق مين وإلا مين..أرجوكم أفيدونا..بس لا تطولون..
اللي تعرف دكتورة نساء وولادة ممتازة تقولنا عنها وفي أي مستشفى..؟؟
أنتظركم........................................لا تطولون..!!:25:
9
113K

هذا الموضوع مغلق.

مزون الشرقية
مزون الشرقية
هلا اختى شذى***ندى
في مستشفى المانع الدمام في الدكتورة (زينب)نساء وولادة
ممتازة انا لي اكثر من عششششششر سنوات وانا اتعلج عندها
عندك مستوصف الروضة دكتورة (أشجان) يقولون انها كويسسسسسة يكثر ميقولون
المهم مالك شر
جمـان
جمـان
مشكووووووووووورة يالغاليه..مزون الشرقية.. د/زينب ما عليها كلام..لكن الزحمة اللي عندها هي اللي خلتني أغير المستشفى وبعدين لما تطلع إجازة ما تلقين إلا سحرأو الهندية..وهذولا ماش..
ومستوصف الروضة ما أسمع إلا بالدكتورة أمل..لأن الباقي والله أعلم مسيحيات..
ديم نجــد
ديم نجــد
عندك دكتورة لطيفه والله حليلة في مستوصف الاحمدي الطبي
جمـان
جمـان
** ديم نجد** حياك الله ومشكوووووووورة يا عزيزتي على الرد..أنا أبي دكتورة تتابع معي الحمل إلى الولادة وتكون ما شاء الله..جربة المانع الدمام بحملي الأول والثاني...لكن الزحام اللي في الإنتظار عند الدكتورة زينب..ثانياً وقت الولادة ما تجي الدكتورة ..وانتوا عارفين وقت الولادة حرج وتبين تكون الدكتورة معاكِ..عشان تتطمني أكثر لأنها هي اللي متابعة حالتك من البداية...الحين أراجع بأسطون والدكتورات اللي فيه كل وحده أحسن من الثانية لكن ما قد جربت الولادة فيه.. وخايفة ...!!! تكفون اللي جربت الولادة في مستشفى أسطون تقولي كيف العناية وعند أي دكتورة..!
ام دحومي
ام دحومي
اختي انا مجربه مستشفى سعد التخصصي عند الدكتوره منال بصراحه رائعه ومافي انتظار لان كل شئ منظم وبمواعيد ....وبعدين اهتمام غير طبيعي والغرف رائعه والنظافه مافي مثلها وبصراحه الاسعار هي هي الي في المانع واسطون انا سئلت عن كل شئ وراجعت في المستشفى من اول شهر الى الولاده والحمدلله تجربه موفقه والله يوفقكك ويهون عليك :)