أفضل طبيبة جلدية في الرياض

للرفع....

عزيزتي المحبة لله
أنا أعرف واحده مررررررررررررررره ماهره في شغلها
ماشاء الله عليها ومشهوره وهي سودانية الجنسيه وطيبه
اسمها آمنه الشريف في مركز الدكتور سليمان الحبيب الطبي
بس حبيبتي كل شيء يبغى له صبر يمكن العلاجات الجلديه أكثر الأدويه اللي علاجها يبي له وقت على شان تشوفين النتايج
والطبيبه آمنه الشريف تاخذ وتعطي معك بكل طيبه وتنصحك وتوجهك للطرق الصحيحه والعلاج عندها بمائتين ريال الكشف يمكن تكون غاليه شوي بس ماراح تندمين
وراح أنصحك نصيحه أختي قبل ماتروحين بأسبوع أو بكم يوم أكتبي أسألتك في ورقه يعني روحي واكشفي كشف كامل على كل عيب تشوفينه في جسمك وهي راح تعطيك النصائح أو العلاج اللازم
يعني لاتروحين بس على شان هذا لا روحي واستفيدي منها
والله يوفقك
:)

سلامات وماتشوفين شر ..وجعلة اخر السؤ
انا سمعت عن طبيبة مدحوها كثير بس مشكلتها كثر الزحمة عندها
اسمها ايمان الخولي تشتغل في مستوصف الشمائل في شارع عائشة بنت ابوبكر في السويدي (اذا بتكلمينها ممكن اسئل لك عن تفاصيل اكثر عنها )

انا اعرف الدكتور: عبد الله العيسى في مركز ديرما بالرياض ممتــــــــاز بس يمكن يطول العلاج شوي بس لازم تصبرين

ما قصرتوا حبيباتي .. ووفقني الله وإياكن لكل ما يحبه ويرضاه .. يعني فيه إمكانية لإزالة الندبات والدوائر السمراء الصلبة على سطح القدم نهائيا؟؟ لأنه فيه ناس قالوا لي إنها ماراح تزول نهائيا.. هل تعرفون أحد تعالجوا من هذه المشكلة عند الأطباء اللي ذكرتوهم؟؟ وبارك الله فيكن حبيباتي..