سلام عليكم خواتي..اخباركم؟!!
حبيت اليوم أفيدكم في تجربة شخصيه بخصوص جمال الجسم..
واللي هي أولا الحمام المغربي:
الادوات:
صابون الطاؤوس المغربي السايل والقطع وليفة الطاؤوس وصنفرة سانت إيفز ومويه ورد باردة
^
^
أنا اشتريته من عطار الحبيب في الدمام بالسويكت
الطريقة:
أول شي تتحممين بصابون الطاؤوس القطع والموية الحاره..بعين تدخلين في حمام السونا وإذا لم يتوفر السونا افتحي الموية الحاره في الحمام بس ايام البرد نادرا ماتتوفر الموية الحاره اذا ماكان في سخان << بس انا ما أأيد هذي الفكرة لأنو تبذير حرام >> بس ممكن اذا تعرفو الدافور أو الغاز اللي عين وحده وتعبين براد مويه وتولعينها في الحمام لين يطلع البخار مدة عشر دقايق إلى 15 دقيقة..
بعدين تحطين صابون الطاؤوس السايل على الجسم ونجلس في البخار مدة عشر دقايق..
بعدين نغسل الجسم من الصابون بالمويه الحاره ونستنا دقيقة تقريباً وبعدها نبدأ نفرك الجسم لين يطلع الجلد الميت بشكل مبروم ومانفرك بقوه ونفرك مرات قليلة عشان مايسمر الجسم خاصةَ المناطق الحساسة واذا حسيتي انو ماطلع منك جلد ميت كثير اغسلي جسمك بالمويه الحاره مره ثانية وافركي مع العلم انو اول ماتفركي مابيطلع بسرعة جلد ميت..
لما تخاصين من الفرك أغسلي جسمك بالمويه الحارة وترجعين في البخار وتحطين الصنفره مده عشر دقايق(واذاحابه تحطي حناء أفضل بس الحقيقة اني ما اعرف حناء كويسه)المهم.. بعد ماتحطين الصنفره افركي خفيف بشكل دائري خاصةً على المناطق الخشنه بعد ما تخلص العشر دقايق خذي نفس الصابونة الطاؤوس القطع وكأنك تغسلين جسمك بها بس تكون الصنفره لسا على جسمك بعدها تغسلين بالمويه الحارة لين ينظف جسمك..بعدهاتغسلين جسمك بموية الورد الباردة(في عند العطار مويه ورد بخاخ << إذا حبيتي..)
انتهى الحمام المغربي
...............
وتبدي بعده بالحلاوة.. يعني تشيلين اللي في جسمك كلو بالحلاوة بعدها تدهني بزيت الزيتون الطبيعي ثلاث مرات إلى خمس مرات متتالية في كل يوم مره .. (فايدة زيت الزيتون أنه بعد الحلاوة يسبب لبعض المناطق صلع)..(وفايدة الحلاوه مع زيت زيتون ان يكون لجسمك لمعة حلوة وكمان نعومة)
وسمعت ان اي منطقة فيها زيت ويجي عليها مويه تسمر بس حاولي تحطين في الاماكن المكشوفة واللي تعرفين ان
ما يجي عليها مويه
اتمنى أكون أفدتكم
يــــــــاااربــــــــــــ......
:3_3_103:
أختباراتي بالجامعه الاسبوع الجاي تكفون ادعولي
الدعاء في ظهر الغيب مستجاب
يلزم عليك تسجيل الدخول أولًا لكتابة تعليق.
الصفحة الأخيرة
الله يسعدك على ذكرتجربتك
الله يسر امورك ووويوفقك وينجحك ياحي ياقيوم