أفضل طريقة لغسل الحناء من الشعر/ راح تدعون لي

السلام عليكم ياحوائيات المنتدى

باختصار انت محنية شعرك و جاية تغسلينه

1- افتحي الشور عليه بموية متوسطة الحرارة و أنت مدنقة على قدام

2- إذا خف الحناء النازل من شعرك اقسميه بيدك قسمين و ادعكيه بلطف
مع الموية

3- خذي شوي بلسم في راحة يدك و افركيه بين يدينك و حطيه على الشعر كأنك تدهنينه بدون مايوصل الجذور سوي جهة اليمين ثم الشمال بنفس الطريقة

4- افتحي الموية على شعرك و افركيه وإذا عندك مشط اسنانه واسعة ممكن تستخدميه بس ابدأي في مشط الشعر من اسفل واطلعي شوي شوي و ترا مو ضروري المشط خاصة للي عندها تساقط

5- راح تلاحظين انه نظف من اثر الحنا و الاشياء اللي موناعمة مرة مثل المحلب ولكن اثر الزيت مازال موجود

6- الحين خذي شوي من الشامبو اللي تستعملين بالعادة و خففية بشوي موية و غسلي شعرك كالمعتاد

7- اذا حبيتي تحطين حمام زيت او نقط من البلسم براحتك بس ترا موضروري

طبعاً يمكن تقولون وش الجديد في طريقتك؟

الجديد ياخواتي العزيزات ان غسل الشعر من الحناء بالبلسم قبل الشامبو ريحتني كثير
و للمعلومية أنا شعري قصير يعني اللي شعرها طويل اكيد بترتاح أكثر على طريقتي


و الله يرزقني و إياكم الشعر الجميل و يصلح لي زوجي و عيالي و يشفيني مما ابتلاني. قولو آمين