السلام عليكم ورحمة الله وبركاته
أستغفر الله وأتوب اليه
كيفكن حوائيات عساكن تمام وبصحة وعافية:27:
أنا حبيت بهالموضوع أفيدكن زي مااستفدت من نصايح بعض الأخوات لذلك نزلت لكن هالموضوع أتمنى انه يعجبكن
بالبداية أحب أقولكن عن بشرتي قبل لأشتري هالمقشر أنا بشرتي دهنية تطلع في حبوب واذا شفت وجهي بالمراية تحسين فيه أوساخ ودهون غير الرؤوس السوداء غير الزيوان اللي على الأنف وجربت مقشرات وصوابين كثيرة مثل كلين اند كلير بأنواعه وجونسون وكثير نسيت وشي ........
لكن ماشاء الله بعد هالمقشر راح ترمين كل المقشرات اللي عندك وسعره 17 ريال وصراحة بشرة الوجه بعد ماتستخدمينه تتغير تغير ملحوظ يعني أنا أدخل أستحم وأستخدمه أطلع الكل يلاحظ ان وجهي متغير تحسين فيه نظافة بريق احساس ماأدري كيف أوصفه مثلا اليوم أنا استخدمته ورحت لأهلي وأسولف على أخوي الا يقطع سالفتي يقول انتي مسوية شي بخشمك قلت ليش قال تقل صاغر تدرون ليش لأن المقشر يشيل الدهون والأوساخ والزيوان من الأنف فأخوي مايدري وش التغيير اللي صاير فحس ان حجمه صار أصغر .
نجي لطريقتي
أنا وحدة ماني فاضية يعني اهتمامي ببشرتي أقل من عادي يعني يوم ورا يوم اذا تروشت وصرت مروقة استخدمته والا كل 3 أيام يعني متى مافضيت وطريقتي أثناء الاستحمام أبلل وجهي وأحطه وأفرك بحركة دائرية شوي بعدين أتركه وأجلس أفرك جسمي بمقشر ملح الحليب بعدين أرجع لوجهي وأجلس أفرك بنعومة بحركة دائرية وأركز على الانف ومنطقة Tومنطقة الذقن وبعدين أغسل وجهي وجسمي وأطلع وأحط مرطب على وجهي وبس
وأخيرا هذي صور المقشر وانتبهوا يابنات لنوعه لأن فيه أنواع من نفس الشركة فيه للبشرة العادية وفيه لجميع أنواع البشرة أنا مقشري هذا اللي تحت (للبشرة الدهنية المعرضة لحب الشباب)
وهذي صورة ثانية وانتبهوا للنوع لأن المقشرات اللي من هالشركة تجي أنواع
وهذي وحدة
وأخيرا أتمنى موضوعي أعجبكن:27: