أفضل وأرخص وأضمن علاج لتششقات الحمل ......

السلام عليكم

كيفكم خواتي الكروشات ....

حبيت افيدكم زي ما انا استفدت من هالخلطه للتشققات الناتجه عن الحمل ....


أول ماحملت استخدمت خلطة سوتها لي امي جعلها في جنات النعيم الى بكره وانا ادعي لها على هالخلطه مره مره افادتني وماطلعت لي خطوط ياربي لك الحمد والشكر فبما ان ربي مارزقني باخوات أنا اعتبركم اخواتي وحبيباتي وحابه اني افيدكم فيها ...
..................................

علبة فازلين الكبيره
عصير ليمونه
زيت زيتون
زيت اللوز
جلسرين سائل
........ هالمقادير الله يسلمكم تنحط مع بعض وتخلط بالخفاق حق الكيك لين يتجانسون ويختلطون ميه الميه بتتعبين شوي في الخلط بس تحملي ....

اذا حسيتي ان ريحته مو كويسه اضيفي لها قطرات من اي عطر عندك او حتى عطر فواحه تفضلينه وحطيه بعلبه الله يسلمك وادهني فيه كل يوم ( بطنك وفخوذك واسفل ظهرك وصدرك ) وبس وراح تدعوووون لي على هالطريقه بس بشرط استمري عليه .. بالنسبه لي انا بديت استخدمه من دخلت الشهر الثالث ومكفيني لحد اليوم ...:35:

بالنسبه للبكريه تستخدمها من تحس ان بطنها بدى يتمسس لان بطنها ماقد تمسس... بحيث انه اذا بدى بطنها يكبر راح يكون رطب وبيتمدد بدون ما ينتشقق و راح تشوف النتيجة وضوح الشمس وراح ترتاااااح وماتنحرج من هالخطوط عند الأخ :arb:
وللأمانه ترى ما أدري عن نتيجتها بالنسبه للي فيها خطوط من الاساس يعني مدري هي تخفيها والا لا

ودعواتكم لي ان الله يسخر لي زوجي ويرزقنا بيت ويهون علي ولادتي ويرزق كل محرومه بالذرية الصالحة :39: