اول موضوع لي في قسم العناية بالبشرة
حبيت اشارككم تجاربي مع (أفضل ) و ( أسوء) منتجات استخدمتها وجربتها
وان شاء الله يكون موضوع مفيد
مع العلم ان اللي مايناسبني ممكن يناسب غيري والعكس صحيح ..
نبدأ بمستحضرات الشعر اللي جربتها ...
1- سيروم زيت الحيه من دابر املا
رائع بمعنى الكلمة استخدمه بعد الاستحمام افرك فيه اطراف شعري
واستخدمه كمان حتى لو مااستحميت يرتب شعري ويهجده بما انه جاف
2- تونيك فازلين للشعر
مثل مااشتريته رميته بالدرج وماستفدت منه
يخلي الشعر مزيت وريحته مو حلوة :icon8:,, ممكن ينفع للشعر الخشن ,, او اني ماعرفت استخدمه :ohwe:
الشامبوهات :
3- شامبو هيربال بجميع اشكاله
روووعه ويخلي مظهر الشعر حيوي خصوصا اذا استخدمتي المناسب لنوعية شعرك :2thmup:
4- شامبو لوريال اليفيف
اشتريت البرتقالي والوردي للمدح الهائل في المنتديات, لكن للاسف جفف شعري وصار معقد مرره
ماناسبني بنوووب ...
الكريمات والترطيب :
5- كريم فازلين بالشوفان
حلو كثييير وترطيبه روعه وتمتصه البشرة بسرعه ونعومه تدوم طووول اليوم
6- كريم فازلين الموحّد للون
كذب × كذب .. حتى ترطيبه سيء ولا يفتح ولا يوحد ولا هم يحزنون
7- كريم زيت اللوز من بودي شوب
ازعج راسي من كثر ما مدحه لي البايع وفي الاخر ترطيب مؤقت وترجع يديك جاافه وتصيرين كل شوي تطلعينه وتحطين منه
8- برضو بزيت اللوز من البودي شوب للاظافر وماحولها
باختصار .. صرف فلوس في غير حقها
مرطبات الشفاه :
9- مرطب الشفاه من بودي شوب
حلو كثير .. احطه مع شوية كحل وبلاشر اذا رحت الجامعه يعطي مظهر حلو
10- مرطب الشفاه من الودنت (شركة طبية ومنتجاتها بالصيدليه )
مو حلو ومافادني بالمرة ولما تركته زادت شفايفي جفاف وتشقق
برب لسا ماخلصت >>>>>>>>
11- مزيل العرق من بيزلين :
مااستفدت منه نهائي .. غير كذا زاد كمية العرق ومايكمل نص يوم الا والريحه طالعه
واذا على التبييض ماشفت فرق ابدا
12- مزيل العرق من" فا "
حلو وخفيف وهو اصلا مزيل رائحه العرق يعني مايسد المسام ولا يضر بإذن الله
ارتحت معاه كثير ..:heart:
معاجين الاسنان :
13- معجون" الودنت " لتبييض الاسنان
مامنه فايده ولا سوى فرق في تبييض الاسنان بس حلو كمعجون للتنظيف فقط
14- معجون ادفانس وايت
تعبت وانا ابحث عنه وليتني مالقيته
بصراحه استخدمته ولاحظت فرق بسيط في لون الاسنان ..لكن اسناني من بعده صارت حساسة حتى من الهواء
وخاصمني طبيب الاسنان وقال ان معاجين التبييض تشيل طبقه المينا اللي تحمي الاسنان وتخليها ضعيفه وقابله للتسوس والاصفرار وحساسة كمان..
ونصحني بتغيير معجون الاسنان كل شهر نوع جديد وبكذا تكون الاسنان سليمه ونظيفه
15- سبراي الو دنت لتغيير النفس الكريه من الفم
حار مرة ومر وسببلي حرقان في المريء
يعني مايصلح للي عندهم مشاكل في الجهاز الهضمي (حرقان- قرحه -التهابات وهكذا)
16- غسول الفم من الودنت
برضو حار يحرق بالفم بس حلو اذا خففتيه بشوية مويه
اخيرا ماانسى حبايب القلب واللي مانستغني عنهم الفازلين الاصلي والجليسوليد الاحمر (قديمك نديمك ولو الجديد اغناك )
بكذا انتهيت موضوعي
والمطلوب منكم ياحبايبي افادتنا بتجاربكم الشخصية لاي مستحضرات العناية بالجسم
مع التذكير ان اللي يفيدك ممكن مايفيد غيرك والعكس تماما
في امان الله ..