أفقج واسع؟.. أتحفيني بأفكارج

هلا بك يالغاليه الله يتقبل منكم يارب
وش رايك بدفع كســـوة العيد ؟ خاصه ان عيد الفطر قريب فحلو تشترين لصديقاتها أشياء جديده ملابس أو اذا ماتصلح
بإمكانك شراء مخلط دهن عود ومن هالاشياء اللي تصلح لهم وتوزعينها بمنتصف الشهر أو اخره علشان يحسون بفرحة قدوم العيد
طبعا الفكره موجديده ممكن تستبدليها بفطور رمضان يكون على شكل سلة رمضان يكون فيها الاشياء المهمه كيس رز صغير كيس جريش كيس دقيق قمر دين ومن هالاشياء تكون قليله وسعرها موكثير..وتوزعينها قبل رمضان بيوم ويومين
اذكر وحده تملى عربيه مثل كذا وتدور على الحاره وتوزع كل بيت تحط عندهم سله صدقه لموتاها
الله يرحم موتانا وموتى المسلمين .. والله يثيبك.....
والسموحه منك والله أفقي ماهوب واسع بس دخلت موضوعك قلت لازم ارد خخخ

نجد
تسلمين حبيبتي
والله ماقصرتي بس عرفتي فكرة العود والبخور طبقناها
وافطار صائم طبقناها
كسوة العيد فكره مكرره بس مايمنع انها محطوطه بالقائمه اذا انقطعت الافكار اطبقها

لاتحرميني هالطله الحلوه

قشطه هانم
تسلمين حبيبتي أول مره اسمع فيه ودخلت على موقعهم من شوي وشكله حلو
لكن قد وزعنا مصاحف من قبل صح مو بنفس الطريقه لكن الهدف واحد

تسلمين ياحلوه

اشتري مقاضي لرمضان واعطيها الاسر المحتاجة ,,,, بارك الله فيك

اشتري كرسي متحرك يكلفك الواحد علي مااعتقد 400ريال وحطيه في الحرم صدقه جاريه اكفلي يتيم او اكفلي حافظ للقران وزعي مصاحف في المساجد وسجاجيد صلاة بالنسبه لصديقات جدتك جيبي لكل واحده صندوق هدايا وحطي فيه سجاده وشرشف صلاة وقطعة قماش وعوده وبخور او عبايه مع طرحه او سبحه ومصحف ومسواك وغلفيها

الله يجزاك خيرررر على اهتمامك والله قليل اللي يهتم بالصدقة الجارية
أبوي دايم يفطر العمال اللي بالشوارع عن والديه _الله يغفرلهم _
ماعندي أفكارجديد بس عجبني اهتمامكم _ماشاء الله _
الله يوفقكم ويتقبل منكم