أفكاركم لبيتي .....

المنزل والديكور

بنات كل عام وانتم بخير .......
أنا عامله صيانه في البيت في الدور الثاني حق النوم المشكله هي الصاله عندي جايه في المنتصف يعني مسكره من ثلاث جهات والجهه الرابعه مفتوحه علي الدرج وعامله الدرج رخام بيج معرق بالذهبي والاصفر والبني والدرابزين حديد مشغول لونه برونزي وفيه ورود بالذهبي اللي أبغاه هو كيف الاثاث اللي ممكن أحطه في الصاله هل يصلح الخيزران وأبغي أحط طاولة طعام صغيره فهل يصلح لان الصاله بتكون لجلستي أنا والاولاد وبيكون فيها تليفزيون الصاله مقاساتها الجدار اللي في الوجه علي طول طوله 8 م وشويه وفيه شباكين عاملتهم كبار شوي والجدران المتقابلين الاثنين طولهم 6 م فأريد أفكاركم الجهنميه ..
ويش رأيكم أحكيلكم أيش عملت في البيت يالله نبدأ بغرفة النوم عملتها جبس مع بورد نازل والمبات صفراء صغيره والجدران عملتها تعتيق أصفر بدرجاته الغامق والفاتح والأرضيه سيراميك بيج غامق شوي وفيه تويجات باذهبي والاصفر والحمام الله يعزكم في الغرفه والجدران سيراميك اللي تحت ببني مموج بالذهبي والبيج مثال الرخام والحزام عريض تقريبآ 30 سم عرضه واللي فوق بيج مموج بالبني والسقف عاملته المنيوم بيج والبانيو عاملته علي زاويه وكبير ومرتفع شوي وعامله درجتين لطلوع له والمغسله رخام بيج مموج بالعسلي وكبيره متر ونصف طولها ....غرفة بنتي عاملتها تعتيق مووف معتق بورد لونه وردي فطالعه جنان فعلآ بس لسي الاثاث وعامله غرفتين للاولاد واحده للنوم ووحده للمذاكره واللعب بالسوني والكمبيوتر وجلستهم ..
وحمام لهم خاص عاملته بالابيض والاخضر وطالع مشرق ..:41:وعامله الغرف كلها سيراميك بيج ..والسقف أورم أستروونغ .....هذا بيتي هااااااااااااااه اللي أبغاه منكم من وين أحصل المفارش اللي تجي خاصه بالاطفال كلها طقم البورد والابجوره والستاره والكماليات الثانيه ....يالله ردوي علي بليز لان بعد تقريبآ أسبوعين أبدي أدور علي الاثاث والغرف واللي عندها فكره عن غرف نوم حلوه ومعقوله تقولي لان لقيت عند العصفور غرف رووووووووووعه والله قليله عليها هذي الكلمه بس غاليه شوي بس أذا ما حصلت بنفس الحلاوه وأرخص برجع أخذها ......يالله بااااااااااي أتعبتكم صح بس عارفتكم راعين فزعات وتبيضون الوجه ......:27:
5
1K

يلزم عليك تسجيل الدخول أولًا لكتابة تعليق.

تسجيل دخول

المتوحشه
المتوحشه
أف..أف ....أف...140 وحده أدخلت وما شاركت ليه هل موضوعي مو حلو أنا حبيت أنكم تشاركوني في ترتيب بيتي وحبيت أنكم نشاركوني فرحتي في تغير ديكورات بيتي وأخذ من أفكاركم اللي دائمآ أتابعها ..بس عمومآ اذا كانت مشاركتي مو عاجبتكم خلاص أحذفوها ..:29:
أم فرح
أم فرح
المتوحشه
يا هلا فيك ومرحبا ....

من ترتيبك لبيتك وإختياراتك للألوان وذلك التناسق الجميل بينهم دليل على ذوقك
الرفيع ... - ما شاء الله - .



نرجع لموضوعنا ..:o


بالنسبة لجلسات الخيزران فهي جميلة ، لكن برأيي أنها تناسب أكثر مع الأرضية الخشب
أو الباركيه




أو تتناسب مع الغرفة المفروشة موكيت







...وهي أولا وأخيرا ميول شخصية ...




يصلح وليش ما يصلح :21:، لأن ماشاء الله صالتك مساحتها مناسبة
ومن المستحب وضعها بركن جانبي من الصالة ويفضل بجانب إحدى النوافذ إن أمكن
للمزيد من الإضاءة والإشراق عند تناول الطعام ...


وإذا كان لديك أي أفكار أخرى تودين مناقشاتها فلا تتردد بها .... فنحن بالخدمة إن شاء الله


وعسى الله يهنيكم ببيت العمر ويجعله عامر بذكره .
المتوحشه
المتوحشه
أم فرح شكرآ..شكرآ..علي ردك أعجبتي أول صوره هذا اللي في بالي ..بس بأخذ رأيك في عين الاعتبار طيب أيش فيه كنب حلو غير الامريكي لأن بصراحه ملينا من الامريكي صار مستهلك واجد ..صح ..وخلاص بحط طاولة الطعام عند شباك خاصه اني عامله الشبابيك كبيره وبحط عندها زرع .......ميرسي ..ميرسي ..ميرسي .:24:
همسة
همسة
هلا فيك أختي

ألف مبروك التجديدات ، الله يهنيكم

بالنسبة لجلسة الخيزران مناسبة جداَ ، إذا حابة تغيرين عن الكنب الأمريكي

لكن المهم أختاري لون غامق للخيزران ، ولا تنسين قطع السجاد

والزرع والنباتات الداخلية مهم مرة ، ( عن تجربة )

بالتوفيق

:)
المتوحشه
المتوحشه
همسه شكرآ لك مرورك ومشاركتك يعني فكرك الخيزران حلو ؟؟؟وأكيد الزرع مهم في البيت وأنا أعشق الزرع ..والسجاد أكيد يعطي فخامه للمكان ...