أفكاركم لذكرى اليوم الوطني

هلا ومرحبا :)

نحن السنة اللي طافت معلمات الفصل سوو حركات حلوه

- الرسم على الوجوه ،،،، وحلو لو ترسمين علم الامارات

- تأجير لعبة القفز ( ما ادري شو يسمونها ) بس هي مثل البيت الكبير اللي يدخلونه الصغر وينطون فيه وهو مثل البالون منفوخ ،،،،،،،،،، ان شاء الله عرفتيه

- وحده تخبز خبز رقاق وتبيعه على الطالبات

- قطعة قماش طويييييييله ،، وتخلين البنات يرسمون عليها او يصبغونها بألون العلم وتعلقونها

- فقرات شعبية

:)

عليكم السلام والرحمة

هلا بك أختي


الخيمة .......... خيمة مجهزة بالمساند والإكسسوارات الشعبية

وتوزع إلى أركان بحيث كل ركن يختص بشيء معين من الأكلات الشعبية أو الحرف اليدوية

الحناء ......... النقش بالحناء لتلميذات

البطاقات .......تكون على شكل علم الدولة ، وإستخدمي ( الجوخ ) في البطاقة

هذا مايحضرني

:)

السلام عليكم
عندي كم فكرة انشاءالله تعيبج
- سوي فانيلات بيضاء مطبوع عليها صور الشيخ زايد وخلي البنات كل وحدة تشيل العلم المكتبات تجهز هذي الأشياء قريب المناسبة
- اطلبي من كل بنت تيب مواضيع من الملاحق القديمة اللي تصدر من الجرايد ووسوي لوحات حائط وعلقيها قدام الصف -- سوي مجلة على الكمبيوتر ووزعوها على الادارة والمدرسات
ممكن عمل المسابقات والتمثيليات وانهاز الفرصة وتكريم المتفوقات في التقويم الأول والبنات الضعيفات اللي تحسن مستواهم بشكل ملحوظ
أفكار جديمة أدري لأني كنت مدرسة لنفس المرحلة

مرحبا اختي بنت الامارات ........
الصراحه انا يوم كنت فالمدرسه كان لمعلمات ايبيعن اكثر شي .... دنجو :cook: يعني نخي وهذا ايام عيد الاتحاد بس انا عندي لج فكره لترتيب الصف


يعني فآ خر الصف على اليدار حطي ادعون مال العريش وعلقي فناره يعني اثنينه تقريبا اوكيه واشتري هذا الفراش الشفاف اللي ايحطونه على الطاولات وحطيه تحت وجدام العريش وحطي علييه رمله حمرا صح انج بتتعبين لين اتخوزين الرمله عقب ... بس ولا يهمج الفراشات ما يقولن لا :23:
وخلي الخطاط ايسويلج مجسم ناقه باركه بالفلين المتين تقريبا طولها متر وحطيها على الرمله ونثري على الرمل اشويت حصا ..اوكيه وحطي على العريش صور الشيخ زايد وصور البلاد بس اتكون صور جديمه وعلى جوانب الصف من الاخر حطي سهمين على كل طرف وحطي عقب صور الدوله والشيوخ والحضاره الحاليه وفوق البورد اللي بتحطين علييه العريش يعني اعلى اليدار كتبي عباره من ليس له ماضي ليس له حاضر ...

وشفتي البطايق اللي ايحطونه حق اولاد الروضه عشان ما يضيعون ....... اعطي كل طالبه من طالبات الصف بطالقه عليها صوره العلم وفيه صوره الشيخ زايد وسنه عيد الاتحاد مثلا


وسمحيلي لني طولت عليج بس هاي الفكره اللي يت في بالي

واتمنى انها تعيبج .. لو ان فيها اشويت عبوله

:27:

انا ان شاء الله ناوية اسوي السنه فكره بالبالونات

اخلي البنات يرسمون علم الامارات و يكتبون عبارات عن الاتحاد على البالونات
بعدين ننفخهم

ماادري انطيرهم او نوزع البالونات على البنات :)

شور ايكم ؟