بانتظار الافكار

بنات هل فيه جديد لهذي السنه

بقولك حركة الأهل في عيديتهم مع إني ما كنت معاهم لكن شفتها بالفيديو.
أخواتي البنات السنة اللي فاتت سووا حركة حلوة للعيديات جابوا حصير وفرشوه بالساحة في بيت جدي وجو لابسات شعبي كرته وصروال خط البلده ومحنين يدينهم ولافه وحده منهم شيله منيخل رابطه بأسفلها ديرم وكل شوي تدق الديرم وكلهم كاحلين داخلي وداقين ديرم .. ووحده لابسه برقع مع إنه كانت عليها نظارة (طلع شكلها تحفه) والصغيره فاكه شعرها ولابسه هامه وقدامهم سلال خوص فيها قريض وحلاو مص وحلاو صعو وعلك حار ويعبون للبزارين بأكياس اللحم البيضاء الشفاف وكانوا يغنون عن العيديات بس الكل أنبسط حتى خالاتي الكبار وجدتي قاموا لحد عندهم وخذوا منهم.
والسنة اللي قبل كانت اختي الصغيرة وبنات خواتي لابسات شعبي وهامات ومخيطات على لبسهم من جههة اليدين العيديات المربوطة بالقماش الملون القديم (مدري شسمه) والحريم يقطعن العيدية والصغار بعد
والسنة اللي قبلها كانت إختي آخر العنقود لابسه مهرج ومعاها بالونات تدور على البنات وتوزع البالونات مربوط باسفلها العيدية بكيس .. وبعدها قاموا الصغار فقعوا البالونات وطيروها.
ما أدري وش بيسوون هالسنة ..
كل مرة ما أشوفهم بس الله يحفظهم يصورون لي هاليوم اللي يدهرون له.

للرفع


وانا بعد بصراحه ابغى افكار بس حلووووووه <<<<<<<<<< يا كرهي داخله عرض

ننتظر افكاركم المبدعه..