بنات أنا متوترة من هالسالفة
قبل كنت ساكنة في حي وكان جارنا عنده مزرعة وفيها حيوانات وكنا نحط بقايا الأكل في كيس ونحطه بوسط ونيت الرجال-حسب طلبه-
الحين انتقلت لحي ثاني
وبقايا الأكل كثيرة الله يتوب علي
خصصت زبالة -الله يكرمكم- وحطيت كيس فيها أجمع أي أكل
بس بالأخير إذا امتلى نحطه بالشارع مع أكياس الزبالة
والله خايفة ربي يغضب علي ويصيبني بمصيبة
لاتقولون حطيه بالحوش
ياكثر ماحطيت مايجي أحد يأكله غير قطاوة تعدم بيتي وتحوسه وتنثر زبايلي وأنا ماعندي شغالة وورطانة بروحي خلقة بشغل البيت
غير منظر البيت كيون كنه حظيرة..يعني هالشي ماتقبله نفسي..حتى لو خصصت مكان وحددته..برضو ماأرتاح احسه مجمع للوساخة والجراثيم!
فوش الحل من تجاربكم
الشي الثاني
أوقات يخلطون عيالي بين الزبايل بحكم إنهم صغار
فيرمون النعمة في الزبالة وأعجز إني أفصل بينهم وعجزت أفهمهم حسيت أوقات تفصل أسلاكهم وحامت كبدي من كثر النصح
وش رأيكم؟
ياعذابي @yaaathaby
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
واذا جت الخميس والجمعه روحي للـبـر وافتحيه واتركيه ..جميع الطيور والزواحف وكل الحيونات فـ البر بياكلون منه ..هالفكره امي معتمده عليهاااا من سنوات الله يطول بعمرهاااا :)
ولالالاترمين اي شي وكمان حاااولي انو تقللين الاكل .سوي المقدلر اللي تاكلونه .
واذا فيه زياده رتبيه وارسليه للجيرااان ..!