أفكار أفكار شاركونا ياشطار ( أفكار ونصائح لمعلمات المستقبل التربية الميدانية )

السلام عليكم ورحمة الله وبركاته
حبيباتي معلمات المستقبل هذه بعض النصائح والأفكار للتربية الميدانية
راح نتكلم عن الشخصية وكيفية التعامل والأناقة وسير الحصة وآخر شي راح يكون شوية افكار لأنشطة الحصة

1- النفسية : خليك ريلاكس وغير متوترة لأنه مافي شي يخوف او يدعو للقلق

2- في البيت : أ- حضري درسك وافهميه زين واللي ماتفهمينه عادي اسألي المشرفة عنه موعيب ابدا وابحثي عن أي معلومة وردت في الكتاب وزيدي معلوماتك لان البنات ممكن يحرجونك بسؤال مومستعده له وساعتها بيصير وجهك ألوان وخليك الأمانه شعارك اشرحي من قلب مو اذا حضرت المشرفة شرحتي وإذا غابت شرحتي أي كلام

ب- أغراضك تكون كاملة اقلام سبورة عروض البوربوينت اللوحات حاولي ماتروحين المدرسة إلا وأشيائك كاملة لان الناس مومثل بعض احيانا مايعطون ساعتها انتي اللي بتتورطين فخليها كاملة من بدري احسن

ج- لبسك اهتمي فيه ولاتلبسين اللي يجي فيه صور وحركات مش ولابد انتي معلمه لازم يكون لبسك لائق صح مااقولك البسي رسمي مرة كأنك مذيعة اخبار لا يعني شوي رسمي على نعومة يجي حلو

د- عبايتك لا تكون مزركشة انتي قدوه للبنات

ه- مكياجك لا تحطين المكياج الاوفر ولا تروحين وأنتي مو حاطة شي كريم مرطب على شوية روج ناعم مسكرة للرموش يعني يكون خفيف وبنفس الوقت يكون فيه شي

3- في المدرسة :
أ- التعامل مع الكل يكون باحترام من اول يوم تصرفاتك راح تنعكس على تعامل الناس معك
حركات الاستهبال اللي فالجامعة لاتسوونها فالمدرسة (الضحك بالصوت العالي – الجلوس على الدرج .... هذا اللي اذكره ) لا انتي معلمة موطالبة

ب- التعامل مع الطالبات : لاتكونين قاسية ولالينه بالحيل فكل الحالتين بتكونين مسخرة من البنات خليك عادية وعامليهم باحترام راح يعاملوك باحترام اضحكي شوي بس مومرة .
لاتتصنعين شخصية مولك لأنك ماراح تظبطينها يعني انتي طبعك ماتعرفين تعصبين تروحين تدخلين على البنات بشخصية العصبية ماراح تجي عليك خليكي على طبيعتك احسن

4- فالحصة : اول مرة راح تكونين متوترة اكيد معليك خذي نفس قبل لاتدخلين الفصل ادخلي الفصل وقولي السلام عليكم وابدئي جهزي اغراضك بيروح التوتر اكتبي التاريخ والموضوع والحصة بتلقين نفسك ارتحتي شوي وابدئي درسك

5- أثناء الدرس : لاتركزين نظرك على شي معين وتنسين نفسك لا تجولي بنظرك على البنات عشان مايحطونك مسخرة ويضحكون عليك
لاتخلين كل الحصة القاء بنامون البنات او يقلبونها سوالف بينهم بين كل فقرة وفقرة نطي عليهم بسؤال ينشطهم شوي ولاتركزين على البنات الشطار وبس نوعي بين الشطار والضعيفات
( البنات اللي تحسين انه مامنهم امل انه يجاوبون صح خليهم لو يقرأون سؤال او جملة )

6- حصص الانتظار روحي لانتظارك موتخلين البنات يسرحون ويمرحون ترا بتنقلب على راسك


أفكار لطريقة درسك
التمهيد : تقصين قصة أو لعبة أو مجموعة أسألة تطرحينها على الطالبات
أفكار للألعاب :
• المتاهة فيه متاهات فالنت ياكثرها خذي وحدة منها وبعثري حروف موضوع الدرس او أي شي حابه البنات يستخرجونه ووزعي البنات مجموعات وخليهم يحلونها بس انتبهي لايسوون فوضى
• البطاقات : ( تناسب الابتدائي أكثر ) توزعين بطاقات فالفصل قبل لايدخلون البنات وتخلين وحده معاك اول بطاقة هي اللي تكون معاك تكتبين فيها امشي ثلاث خطوات باتجاه السبورة وابحثي عن البطاقة وهكذا وآخر بطاقة هي اللي يكون فيها المعلومة او الموضوع
• تجميع حروف الاجابات : تكتبين عدد من الأسئلة وتوزعينها على المجموعات ويكتبون الاجابات ويأخذون أول حروف من الاجابات ( مثل : من فتح الأندلس ؟ طارق بن زياد يأخذون حرف الطاء وهكذا ) ويركبونها مع بعض وتطلع كلمة او جملة حسب سؤالك اللي سألتيه
• الاحرف والأرقام : تجيبين ارقام الحروف ( يعني مثلا 7ايش يقابله من الحروف وهم راح يكتبون فالورقة خ ،2، 11 يطلع الجواب خبز وهكذا ) ويجمعونها ويستخرجون المطلوب
• أوراق العمل على كل فقرة تحطين ورقة كذا افضل ويتحركون البنات شوي حلو لو تجمعين الاوراق مع بعض وتدبسينها وتوزعينها من بداية الحصة وكل ماجا دور ورقة قلبو عليها وهكذا
* الهدف الوجداني لاتنسونه مهم جدا جدا جدا

أتمنى لكم التوفيق
تحيتي أنفاس نقية :21:


لاتنسوا شاركوا بأفكاركم



وادعولي أصير أبله أد الدنيا