أفكار.. ألعاب.. تجارب.. """لفترة الملجه"""..

السلام عليكم خواتي..

حبيت أعرض عليكم موضوع مكدرني شوي وانا بعدني مالجه!!

طبعاً بيني أنا وزوجي اتصالات بشكل مستمر الحمد لله.. وزيارات قليله..

بس انا بديت أحس بالملل من هالروتين وأحس انه مل أكثر عني.. السبب هي سوالفنا في التلفون.. (شو صار اليوم؟.. وين رحت أمس؟.. وين بروح باجر؟ شو تعشيت؟... إلخ)..

يعني أحاول أجدد بس مب قادره.. لأن طبعاً بينا حياء.. وعلاقتنا أفضل إنها تكون في حدود معينه هالفتره..

نمزح مرات.. أزعل مرات.. نستهبل..:22:

بس نفس السوالف تتكرر..

وللحين ماحد فينا ياب طاري العرس تصدقون؟!! ودي مثلاً نتناقش في مكان العرس وموعده بالضبط والترتيبات ماله لأني للحين ما أعرف شي من هالأشياء.. بس هو ما فتح الموضوع.. وانا طبعاً ما يصير أسأله ولا بيحسبني مستعيله..

هو يستحي وانا بعد عشان جيه.. ماحد راضي يتكلم :23:

....

بشو تنصحوني بنات.. ودي اسويله اختبار شخصيه.. أو العب لعبه او شي جيه مسلي في التلفون.. بس ماعندي أفكار..

ودي يستشيرني في موضوع مكان العرس وترتيباته.. لانه بيكون عقب 5 شهور تقريباً.. بس مب عارفه كيف اخليه يفتح الموضوع.. يمكن الوقت مبجر على هالنقاشات!

------

حابه تشاركون بنصايحكم وأفكاركم وألعابكم وتجاربكم الناجحه واللي ما نجحت في هالفتره.. :rolleyes:

حتى لو بس تخبرونا ذكرياتكم وتجاربكم في هالمرحله.. متى فتحتوا موضوع الزواج؟.. كيف كانت سوالفكم؟.. كيف تخلون ازواجكم يشتاقون للمكالمه الثانيه؟.. الظاهر بقوله قصه وبعطيه الجزء الثاني المكالمه الثانيه :p .

.وأكيد أغلب المتزوجات عاشوا فترة الملجه وعندهم ذكرياتها الحلوه :27: والمزعجه :(

---------