السلام عليكم ورحمة الله وبركاته
هلا فيكن حبيباتي شخباركن...ان شاء الله رشيقات
طبعا الكل يطمح للرشاقة واغلبنا يسوي ريجيم
ومحدثتكم حالفه تخس قبل العيد عشان تكشخ وعشان حاجة بنفسها :pinklove2
وطبعا تعرفون الريجيم الكيميائي ..يعني لازم نلتزم فيه بحذافيره يعني ماينفع
نبلع اي شي حتى لو كان بسيط...يخررب كل شي
وصراحة نعاني من هوس غرريب بالاكل وقت الريجيم...وكل ماقلنا بننسى
نتذكر الفطاير والمقالي والمشاوي والحلوياااااات اخخخخخ
<< وحده تفش خلقهاا بالموضوع خخخخخخخ
المهم بنات ...اللي قاعده بالبيت لا شغل ولا مشغله ومسويه ريجيم
يعني تفكيرها كله بالريجيم وبشكلها واشوي ينط وجه الهبرغر او التشبس :icon30:
ولا تجي ببالها ترته ...ولا اللي تطبخ لاهلها ولزوجها ...وامامها المغريات
اشكال وانواع ...<<< ياررربي اشلون تتحملون << بتتكفخ الاخت الكريمه ههههه :11retcher
الحين الهدف من الموضوع...نبي نطرح افكار وطرق عشان مايتغلب علينا شبح الاكل ونضعف قدامه ..ويصير مالا يحمد عقباه ((تلاحظون دايما ..كل ماكسر الريجيم ينكسر شي بداخلنا وتضعف ارادتنا وثقتنا بنفسنا لاننا نصير فاشلات )) :icon33:
وعشان الموضوع رئيسي وخطيرر حبيت اطرحه وماادري صراحة اذا كان فيه مواضيع ثانيه بنفس الفكره << دورت ولا لقت :huh:
وإليكم كم فكره تخطر ببالي حالياً :
*^* تشغلين نفسك مثلا بتنظيف البيت بدل الخدامه وكل يوم تمسكين لج شغله وركن وانزلي تنظيف وترتيب فيه ..منها رياضه ومنها اظمن لج.
*^* تحاولين تحفظين اجزاء من القرآن الكريم..وبذلك تكسبين اجر ويزيد ايمانج ..وتضعفين.
*^*حاولي تقرين مثلا قصص معينه او كتب معينه كنتي تسمعين عنها..ونفسج تقرينها او شخصية ماتعرفينها ...روحي المكتبه واجمعي كل اللي يتعلق بهالشخص واقررري..
*^* ابرزي و نمي هواياتج المكنونه مثلا الرسم...النقش ...الديكور...الاختراع << ايه طيب هههههههه .. اقصد الاختراعات المختبريه مو المطبخيه .
*^*حاولي تتثقفين من ناحية الرياضة واهميتها وكيفية عملها وكيفية تجاوب العضلات لها ..يعني هو بحر يهمج معرفته.
*^*اذا كان كل اهتمامج شكلج..حاولي تبحثين عن الكريمات وعن الخلطات الطبيعية اللي تناسبج وجربيها وخليج دايم مشغوله فيها وبنتائجها وسوي جدول والمنتدى زاخر بهالشغلات.
*^*حاولي تفاجئين اخوانج او عيالج بأفكار مثل عمل نماذج أومجلات او قصص ترفيهيه (يعني يكون مشروع جماعي انتي تشرفين عليه ).
ويلا بنات ابي افكاركم ....وامانه محد تدخل وتطلع بدون ماترد ترا مو ناقصه احبااط بالمعنويااااااات :angry: :(