كوبونات الراقية تسجيل الدخول

~ مهرة ~

~ مهرة ~ @mhr_6

عضوة نشيطة

أفكار حلوة وجديدة لأوقات أطفالك

الأمومة والطفل •

مرحبا


اليوم حبيت أشارك بها الأفكار اللي ممكن نشغل فيها أوقات عيالنا وبنفس الوقت هي أفكار مفيدة ومسلية لهم
بس هاي الأفكار لازم تنفذينها معاهم يعني تواجدك مهم وأساسي
يالله نبدأ:


* في طريقة سهلة علشان تصنعين كتاب مع طفلك: خذي بعض المجلات وتصفحيها مع طفلك وخليه يختار منها الصور والرسوم إللي تعجبه، وبعدين قصيها ولصقيها على دفتر كبير أو ألبوم ورتبيها وفقا لمواضيعها يعني صور الحيوانات مثلا ويا بعض وصور الفواكة وصور الأبنية وغيرها وإذا كان طفلك كبير شوي يعني مثلا 3 أو 4 سنوات ممكن تصنفين الصور على حسب الحروف يعني أولا الصور إللي يبدأ أسمها بحرف الألف أولا ثم الباء والتاء وهكذا...
طبعا في النهاية بتكونين أنجزتي كتاب أو ألبوم شارك أبنك في انجازه.


* إذا كان طفلك يحب الرسم احتفظي بأجمل رسوماته ولصقيها في دفتر كبير للرسم وحطي عليها التواريخ يعني التاريخ إللي رسم فيه طفلك هالرسمة، طبعا بعد مرور سنوات بيكون من الممتع العودة لهالكتاب وهالرسومات إللي تتبع مسيرة وتطور طفلك في الرسم.


* اصنعي كتاب المفردات يعني متى ما بيبدأ طفلك لفظ كلمة جديدة دوري على صورة أو رسمة لها ولصقيها في دفتر واكتبي الكلمة تحت الصورة طبعا بيكون هالكتاب هو أول كتاب بيقراه لك طفلك (والله وناسه)..


* حتى تكون طلعتك إنتي وطفلك للحديقة أو لشاطئ البحر حلوه ومفيدة استغلي هالمناسبة وخليه يجمع مختلف الأشياء الصغيره إللي ممكن أن تلفت انتباهه مثلا أزهار صغيرة، صدف، حصى أشكالها حلوة وملفتة وبعد ما ترجعوا للبيت خليه يفرزها ويحطها في علبة سموها علبة الكنوز طبعا حبذا لو كانت العلبة مزينة وشكلها حلو..


* خلي طفلك يبتكر ويخترع عطيه أشرطة وخيوط صوف متعددة الألوان ومجموعة من الأزرار والأصداف وحبات الخرز وخليه يشكل عقود وسلاسل وخواتم وحتى تشجعيه لبسي شيء من هالأشياء إللي سواها..


* إذا كان طفلك يحب يلعب بالماء والصابون اعطيه وعاء كبير فيه ماء وسائل غسيل واسفنجه كبيرة وخليه يغسل دراجته أو خليه يساعدك بغسيل سيارتك أو سيارة أبوه.. أكيد إنه بيكون مستانس وايد..


* حتى تشغلي ولدك سويله بيته الخاص خذي علبة كبيرة لشيء من الأدوات المنزلية غسالة مثلا ولصقي عليها ورق جدران ورسمي على العلبة باب ونوافذ وقصها وزيني البيت وخلية يقضي وقته في بيته الجديد..


ها شو رايكم بها الأفكار؟؟
سمعونا ردودكم....
24
2K

يلزم عليك تسجيل الدخول أولًا لكتابة تعليق.

تسجيل دخول

سارة نور
سارة نور •
ماشاء الله أفكار وايد حلوة
انا خزنتها عندي لين تكبر بنتي واسويها معاها
ننتظر المزيد
وفقك الله
~ مهرة ~
~ مهرة ~ •
سارة نور سارة نور :
ماشاء الله أفكار وايد حلوة انا خزنتها عندي لين تكبر بنتي واسويها معاها ننتظر المزيد وفقك الله
ماشاء الله أفكار وايد حلوة انا خزنتها عندي لين تكبر بنتي واسويها معاها ننتظر المزيد وفقك الله
أختي سارة نور
شكرا حبيبتي على مرورك
والله يخليلك بنتك وتفرحين فيها..
~ مهرة ~
~ مهرة ~ •
~ مهرة ~ ~ مهرة ~ :
أختي سارة نور شكرا حبيبتي على مرورك والله يخليلك بنتك وتفرحين فيها..
أختي سارة نور شكرا حبيبتي على مرورك والله يخليلك بنتك وتفرحين فيها..
ما عطيتوني رايكم بهالأفكار....
غرشوبة أبوظبي
غرشوبة أبوظبي •
الغالية مهره افكار وايد تجنن

أنا من زمان في بالي فكرة الكتاب وما ادري ليش للحين ما سويته؟؟؟؟؟؟؟؟؟؟؟؟
كتاب مع طفلك: خذي بعض المجلات وتصفحيها مع طفلك وخليه يختار منها الصور والرسوم إللي تعجبه، وبعدين قصيها ولصقيها على دفتر كبير أو ألبوم ورتبيها وفقا لمواضيعها يعني صور الحيوانات مثلا ويا بعض وصور الفواكة وصور الأبنية وغيرها وإذا كان طفلك كبير شوي يعني مثلا 3 أو 4 سنوات ممكن تصنفين الصور على حسب الحروف يعني أولا الصور إللي يبدأ أسمها بحرف الألف أولا ثم الباء والتاء وهكذا...
طبعا في النهاية بتكونين أنجزتي كتاب أو ألبوم شارك أبنك في انجازه.


بنتي تحب اطالع الصور اللي في المجلات والجرايد ولو تشوفين كيف الجرايد في البيت مفروشة في كل مكان بس عشان تطالع في الصور...
الحين شجعتني اسويه...
عطر الزمن
عطر الزمن •
غرشوبة أبوظبي غرشوبة أبوظبي :
الغالية مهره افكار وايد تجنن أنا من زمان في بالي فكرة الكتاب وما ادري ليش للحين ما سويته؟؟؟؟؟؟؟؟؟؟؟؟ كتاب مع طفلك: خذي بعض المجلات وتصفحيها مع طفلك وخليه يختار منها الصور والرسوم إللي تعجبه، وبعدين قصيها ولصقيها على دفتر كبير أو ألبوم ورتبيها وفقا لمواضيعها يعني صور الحيوانات مثلا ويا بعض وصور الفواكة وصور الأبنية وغيرها وإذا كان طفلك كبير شوي يعني مثلا 3 أو 4 سنوات ممكن تصنفين الصور على حسب الحروف يعني أولا الصور إللي يبدأ أسمها بحرف الألف أولا ثم الباء والتاء وهكذا... طبعا في النهاية بتكونين أنجزتي كتاب أو ألبوم شارك أبنك في انجازه. بنتي تحب اطالع الصور اللي في المجلات والجرايد ولو تشوفين كيف الجرايد في البيت مفروشة في كل مكان بس عشان تطالع في الصور... الحين شجعتني اسويه...
الغالية مهره افكار وايد تجنن أنا من زمان في بالي فكرة الكتاب وما ادري ليش للحين ما...
يعطيك الف عافية ...........