انا العام أنا سويت للحريم هدية بسيطة وهي عبارة عن" مطبقة" صغيرة بالحيل
يعني من التراث .. وحطيت بوسطها كليجا صغير وبقل وسمسم واللي نسميه حنا" سبال"
يعني جمعت فيها كل شيء قديم وكتبت فيها عبارة تهنئة حلوة..
وتعبت حتى جمعت المطبقة من كل محل .. من ابو ريالين ومن محلات الأواني المنزلية .. وكل وحدة من خواتي تدور بالرياض وبالقصيم حتى جمعت تقريبا 50 مطبقة..

وهذي السنة اخترت" محدرة" ولقيت بعدصعوبة بتجميعها من كل مكان..بس لو تشوفون شكلها الحين بعد مامليتها طلعت تجنن

أم رودي ممكن تحطيلنا صور من ابداعاتك ياعسل:)

شكل اشغالك تجنن..

حنا العيد بيكون هالسنه بالبيت وشو عيدنا بعد الصلاة مباشره يجي بابا كاشخ بالبشت يسلم وياكل شوكلاته حتى القهوه مايشربها يتبخر ويطلع وعليها مانشوفه الا وقت الغداء يجي يغير ملابسه ويروح للدوام ومايجي الا عشر بالليل ...


فكثرت شوكلاته اخذت 3 كيلو ونص من اللي يكون طعم وشكل ادري فسق علينا حنا لحالنا لكن شسوي هو اهم شي عندنا لانه هو العيد ..

واخذت صينية شوكلاته حلووه ..


لكن وش اللي بيكون مميز عندنا هالسنه اننا منطقين بالبيت حتى السايق بيروح يعيد مع أصدقائه ماراح يجينا الا بالليل :(


اما العام اخذت اكياس حلووه وحطيت فيها حوالي 8 انواع شوكلاته مع الشيبس والعصير واللعبه ووزعناها على الاطفال

والحريم اكياس صغيره حلووه فيها 5 حبات شوكلاته مشكله

مع سلة شوكلاته كبيييررره بشكل ماتتصورونه بس طبعآ مو بالبيت بإستراحة خوالي ..

السلام:)
كل عام وانتو بخير وصحه وسلامه بنات,,

انا والله فكرت فكرت فكرت وبعدين طحت على فكره وهي اني اشتريت قماش شالكـي بكذا لون وقطعته قطع صغيره وحطيت بكل قطعة قماش حلاو جالاكسي (جواهر) المشكل ماغيره..

وربطت كل قطعه بقماش مستطيل صغير وبعضها بشريطـه ..
وسوييت تقريبــا "50" وحده ياالله تكفيهم..ماشاء الله عليهم واجدييين:) الله يحفظهـــــم..

""وعيــــــد سعيــــــــد وعســـــاكم من عــــــواده ""