¤¤أفكار رائعه لأستغلال المكافئه الجامعية والمرتن¤¤

°•° °•°°•° °•°°•° °•°°•° °•°أفكار رائعه لأستغلال المال°•° °•°°•° °•°°•° °•°°•° °•
السلام عليكم ورحمة الله وبركاته
كيف حالكم بنات أن شاء الله بخير
هذا الموضوع من جمعي وترتبي يعني مالطشت من أحد المنتديات كالعادة هههه فاأعذروني على القصور
أولا:تنبيهات هامة.
_الصدقه الصدقه أمر مهم كي يبارك لك الله عز وجل في مالك فما نقص مال من صدقه.2_أحرصي أن تحتسبي النية الصالحه في أنفاقك للمال
3_أحرصي أن تكوني صاحبة أيدي بيضاء معطاءة في وأحرصي أن تكون لك أعمال في الخفية مفرجة لهموم أخواتك المكروبات.
ثانيا:الأفكاراللي يخلي مكافئتك تنفعك حتى بعد موتك بعد عمر طويل عامر بذكر الله أن شاء الله.
¤فكرة مررة روعه من كل مكافئه خذي مبلغ بسيط _مثلا مية ريال
أو أي مبلغ وادخرية "يعني لا تصرفية وأعطيه الوالد أو الوالده الله يحفظهم وقوليهم يدسون لك هذا المبلغ أو أنتني دسية"
ههههه حلوووة كلمه دسية بس مالقيت غيرها
المهم سوي كذا في كل مكافئه وفي نهاية السنة راح يكون عندك مبلغ محترم وبعدين أعرضي على العائله فكرة أنك تبين تهدينهم هدية حلووةوهي رحلة للعمرة وهذا المبلغ اللي قدرتي تجمعينه حتغطين فيه لوزام الرحلة ""وطبعا الوالد ماراح يقصر راح يزود من عنده (^_^)" وبكذا راح يكو ن لك مثل أجر كل واحد من العائله
قال صلى الله عليه وسلم"(من دعا إلى هدى كان له من الأجر مثل أجور من تبعه لا ينقص ذلك من أجورهم شيئا) رواه مسلم

4_عمل مشاريع بسيطه و سهله و أجرها أن شاء الله حيكون لك حتى بعد ممتاك فالمؤسسات الخيرية عندها خدمات مره روعة مثل طباعه المصحف وحفر الآبار في الدول الفقيرة وغيرها
¤¤شراء مطويات وأشرطه دينية وتوزيعها على الجيران والأهل أعطيها أخواتك وبنات أقاربكم يوزعونها في مدارسهم ووزعيها أنتي على صديقاتك وبنات قاعتك وأحتسبي فيها نية أنها صدقه جارية عنك ليوم القيامة .وترا يابنات سعرها مررة رخيص أذ ا أخذتوها من عند تسجيلات.
¤و أشتروا لأخوانكم وفرحوهم يعني لما ينجحون أخوانكم أخذي أخوانك على سوق الألعاب وخليهم يشترون اللي يبون وشوفوا كيف يفرحون وتذكروا أدخال السرور على أخيك المسلم صدقه
¤في بيت العائله أو في جمعة الاستراحه دايما في الجمعات يصير فية قحط في سجادات الصلاه فاشتري مجموعه و حطيها في بيت العائله وبأذن الله يكون لك أجر كل من صلى عليها.وكذلك في مصلى الجامعه جيبي مجموعه وأعطي أخواتك يحطون في مصلى المدرسه
¤عندمايكو ن عندكم عزيمه وجمعه طبعا المعروف أن العشاء والذابيح على الوالد أنتي تبرعي بالموية والعصيرات وأحتسبي فيها الأجروتذكري في كبد رطبة أجر.
¤¤أحرصي على أن لاتكو ني من البنات المبذرات اللي ماتراعي شعور الأخريات وبس كلامها في الأسواق والماركات لأن في بنات مايقدرون ¤
¤¤بس هذا الأفكار اللي عندي وأن شاء الله فيها الخير واللي عندها أفكار تقولها.
وعلى فكرة أنا نزلت موضوع في قسم الفتاة المسلمة بعنوان أفكار دعوية لجميع الأعمار أدخلوه في أفكار حلووة وكثيرة. وجزاكم الله خير
وفقكم لعمل الخير والطاعة