أفكار رووووووعه وسهله تفضلي بالدخول

أفكار دعويه حلوه بالمرررررره.:32::32:.

السلام عليكم ورحمة الله وبركاته

من منا مايحب يدعو للدين؟؟؟

أكيد كلنا نحب لكن المشكله المنتشره الحين هو انو صار البعض لما يشوف نشره دينيه مايتحمس ياخذها لما يشوف شكلها المكرر ..لكن لما يشوفها بطريقه حلوه وشكلها حلو بيتحمس ياخذها وخصوصاً بنات المدارس..
وعشان كذا أنا أبي أطرح (ونتعاون سوى ) بعض أفكار النشرات اللي أتمنى أنها تكون جديده ...وميزتها أنها تعتمد على خامات زائده عندك في البيت ماتعرفين أحيانا وش تسوين فيها..

واذا كنت معلمه شاركي وقسمي الأعمال بينك وبين بعض الطالبات الواثقه فيهم وانشريها في المدرسه
أو تساعدي انتي وخواتك وخذوها معاكم لجمعة أهلك.. واذا كنت في الجامعه تقدرين تعطينها أمينة المكتبه وهي توزعها كهديه لكل وحده تشتري أوتستعير كتاب , أو جنب المغاسل في زواج مثلاً او في أي مكان..ولك أجر عظيم من الله احتسبيه في هالعمل..

كنت أتمنى انو يكون معي صور بس ماعندي
يالله نشوف أول فكره



أولاً: فكره للأشرطه الكاسيت الزايده عندك في البيت..

1-اجمعي الأشرطه الزايده عندك.+ بيوتها
2-خذي ورق الكريشه بلون رايق وغلفي فيها بيت الشريط..واذا ماعندك كريشه استخدمي تغليف الهدايا.
3-بعد ماتنتهين اطبعيلك نصيحه بالكمبيوتر بنفس لون الكريشه بحجم بيت الشريط.
4-افتحي البيت وخذي النصيحه والصقيها بالداخل يصير مثل الكتاب وحطي فوقها الشريط وسكري البيت.
5-بعدين زيني الواجهه مثلاً حطي قطعة مخرمه في الوسط وفوقها فيونكه بشريطه .. أو زينيها بالشريطه وتصير مثل الهديه.. واقتبسي أفكار الواجهه من أشكال الدفاتر والبطاقات الحين..وتراها سهله بالمره
وتقدرين بعد تاخذين الكتيبات الزايده عندك في البيت ..فتاخذين كتابين بنفس الحجم أو ثلاثه وتغلفيها وتزينيها بشريطه.. وتحطين على الواجهه ورقه فيها عبارات حلوه أو إهداء أو أي شي تحبين انو يكون مكتوب عليها.

ثانياً: فكره لبطاقات الزواجات الزايده عندك في البيت..

أكيد في وحده منا زايد عندها بطاقات ياأما باقيه من زواج اختها ولا بنتها ولا خالتها أو أي أحد..أوتقدرين تجمعين بطاقات شكلها قريب من بعض وتحسين ان شكلها مناسب لهالعمل.
1- أول شي تاخذين الكرت وشيلي الدعوه منه وتقصينه على الحجم اللي تبين واذا كان فيه زيادات ماتبين انها تكون موجوده شيليها.
2- بعدين اطبعيلك ورقه بالكمبيوتر أو إذا كان خطك حلو اكتبيها وصوريها وتكون الورقه أصغر من حجم الكرت بـ 2 سم تقريباً وبتكون لك جزئين اكتبي على الجزء الأول دعاء أو تهنئه أو أي شي واكتبي في الجزء الثاني نصيحه ، وثبتي الورقه على ماكن ثني الكرت فقط (بيصير شكلها مثل الدعوه)
3- حطي في مصفط الكرت (مكان الثني) شريطه بنفس اللون للتزيين.
4- انشري الكروت بشكل حلو في سله حلوه ..ووزعيها

ثالثاً: فكره بالمناديل..
1- روحي ابو ريالين وخذيلك علب مناديل صغار ولا اذا كان عندك في البيت فكل ماكانت صغيره كانت أحلى.
2- اطبعيلك ورقه تكون عباره عن وجهين عشان تكفي الكتابه ومكتوب فيها (آداب العطاس) بنفس حجم علبة المناديل..
3- اثني الورقه (يعني تصير مثل الكتاب) والصقيهاعلى العلبه بالطريقه اللي تحبين (مره أنالصقتها عن طريق الخياطه بخيط صوف متين شوي ، فخطت طرف الورقه المثني مع علبة المناديل وطلع شكلها حلو مرره بس خذت مني وقت ولازم تكونبن حذره عشان ماينشق الكيس).على فكره في النهايه يكون حجم الورقه بحجم العلبه.
4- حطيها في سله حلوه وحطيها قدام المغاسل ..


رابعاً: كاسات المويه
تشبه اللي قبلها لكن بكاسات المويه ..
1- فتاخذينلك كاسات مويه جاهزه هذي اللي مثل هنا والقصيم ومياه نجران..
2- تطبعين لك ورقه بتكون بشكل دائري غالباً لانها مثل فوهة الكاس وتكون وجهين عشان تكفي الكتابه.
3- اكتبي فيها آداب الشرب ..
4- الصقيها على سطح الكاس ..وتقدريت تزينين الكاس بشريطه ..ووزيعها مثلاً تكون من ضمن كاسات العشاء أو وزعيها في حفل.



الباقي ماراح أقوله إلا إذا شفتكم تواصلتوا معي ...وزودتوني من أفكاركم الرائعه اللي تعودتها منكم....وإذا في شي مافهمتوه ردوا علي..:23::23: