أفكار سهله الحقي عليها اختى لتظيم وتسهيل حياتك

بسم الله الرحمن الرحيم
اخواتي من مده خطرت بعض من الافكار اللي تنظم الفوضى او على الاقل تخلي كل شي قي مكانه بعد ما يئست من كثره ملابسي الداخليه واذا بغيت شي ينحاس كل الدرج وهذا اكره شي يعني حتى لو كنت احسن المنظمات بعد راح يخترب تنظيمك اذا كنت في عجله من امرك فلقيت جدام عيني علب للاحذيه ما استخدمها مخليتها قمت واخذتها وخليتها في الدرج بس بعد سببت لي مشكله انه الدرج ما كان يتسكر فقمت واخذته وقصيت الاطراف تدريجيا عشان ما تصير غير مرتيه وبعد ما لقيت انها تتسكر خذت ملابسي وخليتها مثل ما انتو عارفين احنا ما عندنا ايكيا اللي ينظم ويقسم فما حبيت ازعل روحي :) وبكل بساطه وبدون اي تكلفه جهد بسيط جدا او لا يذكر حتى بعدالراحه الي بتحسونها وكلما فتحتو الدرج راح تنفتح نفسكم على الترتيب وراح تشنون حمله قويه على كل الملابس والادوات
وهذي صوره للملابس الداخليه الصداري (السنتايانات)
تلاحظون في اول صوره ان العلبه مسكره وتقدر كل وحده منكم اخواتي انها تقسمهم حسب النوع او اللون يعني التقسيمه اللي تريحها والاخوات المتزوجات يقدرون يستعملون علبه مسكره يعملو لها تغليف جميل للاطقم الداخليه:icon28: ولا من شاف ولا من دري
178104

وهذي صورة الدرج نفسه والعليه مفتوحه تقدرين تاخذين منها اللي تبينه وبعدين تسكرينها طبعا
178105

واحين نجي للهافات (الكلوتات) كل العلب تبع احذيه الله يعزكم تقدري تزينيها اذا انتي حابه هالشي بس حسيت انه مالها داعي الوانها كافيه ووافيه :) ما عد اصغر علبه استعملتها للسترينغ وهي علبة عطر وهذي فكره للاخوات المتزوجات عن الفوضى :33:
178106
وهي صوره ثانيه بعد ولاحظي انه خليت مجال حق اقدر اضيف اي لمسات فنيه او مكعبات المسك :) ولاحظو اخواتي انه غيرت المكان حق توضح عندكم الصوره اعتقد انها واضحه
178107

وبعد كان عندي علبة عطر جايتني هديه والله حبيت استغلها في شي فخذتها واستعملت الشريط اللاصق من الجهتين من دايسو بسعر زهيد كلش وله عدة استعمالات فخذت العلبه ولصقته على جنب طاولة الكمبيوتر وبهذي الطريقه ما اضيع الريموت ويكون في مكانه المعتاد وتقدرون اخواتي تستعملونه لاقراص الدي في دي او التلفونات او اي اشياء اخرى تحبونها وهذي صوره العلبه وهي مسكرة وبداخلها الريموتات
أتمنى من كل وحده تدخل ان الله يرزقها الجنة وتدعو لي بأن الله يحل مشكلتي ومشكلة جميع المسلمين آمين يا رب