أفكار لتجميل السطح

~عيون@العرب~
يا هلا فيك ...ومرحبا ...


وفكرة الخيمة حلوة ... لكن أنا أقترح عليك خيمة بلاستيكية ، وتوجد أنواع بالسوق
قوية وتتمز بالمتانة ومكيفة ... هذه عن تجربة جدا رائعة ...

وإذا المساحة عندك واسعة ، ممكن تضعين إثنتين : واحدة للجلسة والأخرى خيمة طعام
أرتب وأنظم وأحلى ... والرأي الأول والأخير لك ...

ولمزيد من التميز ،،، ما في أحلى وأجمل من النباتات الخضراء ... بتنسيق وبترتيب ...
وإذا في إمكانية ممكن تضيفين حوض سمك داخل الخيمة ...

وممكن تعملين مدخل بشكل قوس كبوابة للخيمة ... وتعملينها من الجبس مع أعمدة
رومانية ....

وممكن تضعين جلسة شعبية من السدو خارج الخيمة مع إضافة بعض الطاولات للخدمة ...
وتضعين بعض الأشياء أ, التحف الأنتيكية القديمة والمصنوعة من الفخار ، مثل
" البرمة " التي كان يشرب منها الماء قديما ...



===========

أعذريني ، هذا اللي خطر لي الآن


وإن شاء الله أبحث لك عن أفكار ثانية ...:21:

شفتي يااخت عيون العرب انا جربت وطلبت من المنتدي طلب ومااحد رد علي وماتتصورين القهر لما وافتح الصفحه وماالقى رد كيف يصير وجهى mad: :

شوفي عيوني انا بحاول اساعدك ولماعجبتك الفكره اكون على الاقل رديت عليك
الفكره هو انك تجبين خشب الديكو ترى هوينباع فى محلات الزهور ويكون شكله على هيئه مربعات صغيره

وثبتين طرفه وتعلقين عليها اوراق خضراء وتعليقين عليها عنب احمر واخضر

يعني با لمختصر المفيد تعملين عريشه عنب وتعملين تحتها جلسات بالخيزران
انا عملتها في البلكونه عندى
خصوصا ان الجو الحين بيكون رائع حتى لو في الظهر تحت ضلها
واتمنى تكون الفكره اعجبتك واى استفسار انا جاهزه وتحت الطلب :mad: :mad:

السلام عليكم ورحمة الله

هلا بك والله

فكرة الخيمة حلوة ، خصوصاَ بالشتاااااء إلي عيااااا يجي

أضيفي لذلك

حديقة خضراء ...........راح تغير لك من شكل السطح تماماَ

شوفي هالموضوع إلي راح يحمسك

:32:هنــا :32:

يعني أعتبري السطح ( حديقة ) .......وحطي فيه أثاث حدائق

وسلامتك

اشارك الجميع الرأي
تخيلي لو انها حديقة وتصرفي على هذا الاساس
ممكن بيت الشعر لكن لازم تكملي كله على اساس انك في بيئة بدوية

عن نفسي انا ما احب هذا المود احس كأني في مهرجان او متحف
افضل وضع اطقم من الحديد الخاص بالحدائق ومعها كراسيها يعني طاولتين او ثلاث وافضلهم من النوع المربع او المستطيل حتى يمكن ضمهم لبعض في حالة الحفلات والزيارات العائلية
وضع كثير من الاصص الكبيرة بها شجر حقيقي
وضع مربعات الخشب المشهورة ( تباع بساكو ) ومحلات لوازم الحدائق (على بعض الحوائط ) وأعلق عليها اصص زرع حقيقي
وضع عربة صغيرة مثل تلك التي يبيعون فيها الخضار واضع بها طين وازرعه

وإذا كان السطح كبير
لا ننسى الأطفال
نعمل لهم ركن نضع زحليقة ومرجيحة وممكن بيت خشبي
الاضاءة بين الزرع رائعة والناوافير الجاهزة تكمل الموضوع

يعني ممكن محل حدائق يعمل لك كل هذا بحوالي 4 - 5 الآف ريال

:26:

مرااحب عزيزااااتي ..

اشكركم على حسن لطافتكم وتسلموووووووون على مشاركتكم معي ...


اختي أم فرح :
تسلمين على رايك .. بس مافهمت الخيمة البلاستيكية كيف تكون؟ وكم مساحتها ومن وين تنوجد؟

وبالنسبة للنباتات والله فكره وابطبقها انشاءالله .. وفكرة الجلسة اللي تكون برا الخيمه هذي نفسي فيها لكن ماادري كيف تكووووووون محتاره والله .. كان عندك فكره كامله ياليت واكون لك شاكره ياليت تشرحين بالتفصيل كيف تكون:26:


---------------------

اختي سحابة شوق تسلمين على مشاركتك معي وابشري آمري وش كنتي تبين واحاول اساعدك ان كنت اقدر ...

ومن ناحية العضوات هنا والمشرفات تراهم مايقصرووووون ابد لاني اتابع المنتدى باستمرار ولو إن مشاركاتي قليله لكن والله اشوفهم مايقصرون .. انتي بس آآآآآآآآآآمري عيوني:17:

وبالنسبة لفكرتك مررره حلووه وخطيره وبتصير شي مع هالجو الحلو لكن المشكله إذا هب البراد وش نسوي؟ وهذي بعد بحاول اطبقها لكن ماادري هالجو الحين كل ماله يزيد بروده فماادري اخاف اسويها بعدين نجمد ومانجلس فيها على انها بتكون زينه في النهار ........

================

اختي همسه :
تسلمين والله على المشاركه وفكره النباتات انشاءالله ابطبقها ..

والله هاللنك اللي فتحت عليه شي عجييييييييب فعلاً .. مومصدقه والله معقول كل هذا في سطح ؟؟ وشلون وكيف .. سبحان الله .. الله يقويها انشاءالله .. وياليت اقدر اسوي مثلها ...
وياليت عندها ايميل كان راسلتها عشان تعلمني خطوه خطوه ووش سوت ووشلون وبكم يوم صار السطح كذا :41:
===============

اختي رومي :
مشكوره على مشاركتك معي ..
(((وضع عربة صغيرة مثل تلك التي يبيعون فيها الخضار واضع بها طين وازرعه)))) هذي بصراحه مافهمتها كيف تصير ؟
وفعلا انتي صادقه الاطفال بعد يبيلهم ركن عشان يستمتعون فيه ..



آسسسسسسفه اخواتي ان كنت غثيتكم بس تحملوووووني الييييين اخلصها :27: