دنيا الذوق
دنيا الذوق
رفع
اول شي مرحبا بك يالغلا ويالله نبدأ بسم الله رح اعطيكي مجموعة افكار واختاري اللي يناسبك
المجموعه هدي لاتقولي مستحيل او مو موجوده لا فيه حتى لو ماافي تقدري تعمليها بنفسك

( خرز / احجار تبع حوض السمك / واسلاك معدنيه وتتشكل ممكن تلقيها في الكتبه اقرب مكان لو عجزتي)



هدا الشكل ممكن تضيفيه على البرنشات او فوق الثلاجه او الدولاب اي مكان مميز كدا تغيير عن الفازه
وركزي فيه ترا ممكن تعمليه بنفسك مرررره سهل



هدا شكل تاني لفازه والفكره ماعليكي الا تلفي شريط لاصق وتضيفي الغرا وتنثري الخرز او القلتر وبعد ماينشف
ترفعي الاصق والا احلى بلاش حكايت الفازات بالورد لانها قديمه كتير غيري شوي عنها



وهدا شكل تاني لفازه برضو غريبه طبعا بعد متخلصي تنظيف المطبخ تسكري الاضاءات رح تكون هدي
اضاءه هاديه ومو مكلفه لانو الشريط تبع اللمبات دا اللي يجي بالمتر وترا دحين سار احلى من كدا
ساير فراوله تفاح والوان وقلوب وعالم تاني وسعروا من 20 الى 30 ريال فقط



وهدي تشكيلة الخرزات الملونه على الاداة تبع حفظ المناديل برضو من ضمن الاكسسوار
تغيير عن الرول الخشبي تبع المطبخ المعروف



وهدي السله ممكن تعبيها فواكه وتكون بلمعه وتكملي الطقم وتبدعي







ترا والله مو صعب شي سهل بس اشتري الاغراض واشتغلي ورح تبدعي والله حتى الغرا هوا العادي
تبع الزجاج الاصفر وشكلي وكوني طقم بمزاجك احلى من المحلات واحب الفت نظرك لشغله

فيه نوع من الزجاج يجي على شكل ورده زجاج كدا تشتريها ورده بس زجاج لو شفتي برنامج العراب
فهما يقدموا ورده زي كدا طبعا قريب منها حتى في محلات يابلاش والرخيصه تلقيها ميزة وجودها في المطبخ
انها لما تتعرض لزفره من الطبخ وكدا تقدري تغسليها وترجع زي اول واحلى كمان احسن من اوردات
الصناعيه تتعدم وشكلها يسير مررره ميح لكن هدي مارح تفقد جمالها طول ماانتي محافظه عليها هدا غير
طبعا لو اضفتي كم فكره في الفازه من تحت رمل ملون احجار كبيره او ربطة شريطه من برا الفازه بطريقه
حلوه وتكون طويله الفازه ورفيعه رح يكون لها رونق رائع


تاااابعيني بعد رح اضيف لك كم فكره
دنيا الذوق
دنيا الذوق
اول شي مرحبا بك يالغلا ويالله نبدأ بسم الله رح اعطيكي مجموعة افكار واختاري اللي يناسبك المجموعه...
طبعا نجي لعالم الشموع في المطبخ والله ابداع وكمان مو ضروره تشتريها ممكن تبتكري
اول شي شوفي هدا الشكل الكاس جاهز وحبات البن مو صعبه خدي من عندك لو تاريخها منتهي
واستخدميها وانهي شغلك واضيفي الورنيش كماده عازله وهوا عباره عن نوع من انواع البويا شفاف
العلبه ب 10 ريال فقط من محلات البويا او من مكتبه بخاخ


نتاااااابع






اما هدا الشكل لو لقيتيه وناااسه





بالنسبه لنافذه فيه موضوع نزلته سابقا وطبقته بعد من كثر مو سهل شوفيه على هالرابط

http://forum.hawaaworld.com/showthread.php?t=1564675

هدي الفكره خيتووو كتير حلوه طبعا هنا عملتها بورد طبيعي


هدي الفكره نفسها بس بشكل مختلف انو تعبيها مويا وتشتري كيس الورد اللي من محلات الورود
بـ 15 ريال او ممكن ياسمين تعبيها وتضيفي قطرات اي نوع من انواع الزيوت العطريه تبع الفواحه
وتظل ريحتها تفوح وتكون حلوه وتختاري الفازه على كيفك اي شكل وعادي مو ضروري ورد
ترا الفكره ممكن تزبط على صدف تعبيها صدف ومويا وتضيفي قطرات الزيت العطريه وتفوح ريحتها جنااان
وانا جربتها مرررره نااايس وممكن تلوني الصدف عشان يطلع بشكل حلو وغريب وهدي الصوره


وفيه عندك اقتراح لسقف المطبخ في استكرات من ايكيا تجي اربعه او تلات حبات كدا بـ 75 ريال
عباره عن قماش شامواه حلووووه كتير وملفته لنظر مره شفتها عندهم بس مدري كيف المطبخ بما
ان القماش شامواه فمو مناسب للمطبخ اعتقد بس ممكن تعملي انتي بنفسك استكرات على شكل
فواكه بالجلاد الناعم اللي يتمسح لو اتعدم وتلصقيها على السقف او ممكن تفرغي وتلوني رسومات
فواكه على السقف او على المروحه وممكن في وسط المروحه تعلقي نباتات ظل تنزل على تحت
يعني تعطي حياه للمكان وحيويه اكتر


حاليا هدا كل شي عندي اي سؤال تحت امرك واتمنى اكون افدتك لو بشي بسيط بالتوفيق خيتوو
اطلقي العنان لخيالك وابدعي وكوني جرئيه بالتصميم مرررره حطيت لامي في مطبخها حوض سمك
امي قالت وبعدين معاك حوض سمك يابنت الناس حرام عليك قلت خليه والله يجنن بعدين نقلته في الصاله
قالت من اخد الحوض من هنا فقدتهم امي وهما كلهم سمكتين تقول تعدوت عليهم اتفرج عليهم
وهما كلهم سمكتين بس حلوووين وحوضهم مدلع قرري ونفذي ويازين الفن وايامه
:
كلام الحب
كلام الحب
البنات ما قصروا

اتمنى اكون ما تأخرت

ممكن وضع بيض زينه في سله وممكن سله فواكه بلاستيك ممكن تعلقي

عناقيد عنب بلاستيك











عنودة العنيدة
حاولي تاخذين الوان فاتحه
لمسة ذوق جنو بيه
شوفي ممكن تحطي فوق الولاب سلات فيها اشجار صغيره وفواكه وممكن حافضات السكر والبن تكسيها دانتيل بالون الي تبغي وتحطي لهم شرايط وفيه في محلات ابو ريالين تحف للمطابخ مره حلوه ولاتنسي تختاري طقم ملاعق الغرف بنفس اللون وتحطيها في احد اركان الدولاب وممكن تاخذي ابجوره وترشيها بنفس اللون وتلصقي فيها فواكه وتحطيها على جنب وبرضوه المفارش داخل الداوليب حطيها نفس اللون ومفرش الطاوله طبعا اللون الي اخترتيه لتزين المطبخ واتمنى اكون افدتك والاخوات ماقصرو