أفكار لتنظيم المعارض

لكن كالعادة .....
مستعجلين ....وما حددتي مجالك بالضبط
راح نعوم كذا ....يا سلاوي

بالنسبه للأعمال ....تقدري توظفي جانب معلمات التدبير
والتفصيل .....وعرض الكثير من الأعمال ...أو عمل ركن معين لها

كتوضيح منك لدور المراهقه الفعال ....والاستفاده من أوقات فراغها
كذلك تستطيعي عمل كروت ببرنامج الباور بوينت ككلمه ترحيبه وتطبعيها على
ورق مقوى ....وتقصي الاطارات بمقص مشرشر ....وتخرمي الزاويه
وتدبسيه في علبه شفافه أو كيس صغير ..(( مثل الملبس))
ويكون موضوع على مجسم يشكل امرأة من الفلين ....الخ مثبته فيها سله
توضع عليها الشغلات ..وموضوع لافته صغيرة بعنوان
تفضل هديتك ...ويكون بالواجهه
ونفس الشيء تعملي كتيب ....عن أهم الأشياء اللي راح تناقشيها
أو المؤتمر كيف سيكون سيره ....وكل عضو أو مشارك
يستلم كتيبه الخاص فيه ليكون متابع لك
***********
أما عن الأسرى فالأفكار كالأنهار .....>> أعجبتني هذي
تعملي ركن وتكون عليها اضاءة خفيفه ....خافته
وعلى شكل السجون ..أو حمامه مقيده ....وتقدري توظفي خامات باللون الأصفر
والكثير

حاسه إني طولت عليكي
وزي ما أقول دائما الزياده كالنقصان
احرصي يكون متجانس وخفيف وليس مضغوط بالمحاضرات الطويله
الممله

سلالالالاوي بالتوفيق

اهلين سمر كيك
هذي الساعة المباركة انك رديتي على هذا السؤوال
بس انشاء الله ماراح يكون عايم

انا لحد الحين ما عندي صورة عن الي راح يصير
المسؤولين فقط عرضوا على الفكرة وناطرين منى النتفيد
يعني لحد الحين ما حددت سنو الي راح يكون في المؤتمر
بس الي فكرت في هو
1 ندوة عن مشكلات المراهقة
2 دور الاعلام التربوى على الفرد او الطالب
3 بما ان رمضان على الابواب فكرت في عمل ايضا ندوة عن صحتك في رمضان او تغذية الطالب في رمضان او اي شي يكون عن رمضان
4 يعني احنى الحين والعالم كلة في مرحلة تاهب فكرت بعد عمل ارشاد للطلبة عن التصرف السليم عند سماع صافرات الانذار واستخدام الصحيح لمطفاة الحريق والاسعافات الاولية
5 استضافة افراد لعمل التجارب العلمية للطلبة كترفية لهم ( ماد ساينس )
6 واهم الاعمال طبعا ركن عن الاسرى

طبعا هذي افكار طرحتها على نفسي وعليك بس ما طرحتها على احد ثاني ما ادري هل هي مناسبة ام لا
طولت عليك بس انشاء الله القى الرد
وطريقة التقديم والافكار الحلوة من الناس الحلوة

والله روعه ......
يعني إنتي ماشاء الله عليك .....متفننه وشيء جميل
اليك التالي :
1 - قراءة عطرة تتضمن آيات قرآنيه وحديث شريف عن المناسبه هذي
2- تعريف بسيط بخط سير المؤتمر .
3- عمل المحاضرات اللي تكلمتي عنها ..

ولا مانع عند التحدث عن عرض لبص الشرائح من جهاز العرض العلوي
(( الأوفر هيد)) أو السلايدات

عوضاً عن الأفراد اللي تجيبينهم .....صارت قديمه وكأنها للأطفال

فاهمه علي ....خليه بقدر الامكان راقي
....

عساك على القوة

وأفكارك نيرة بالمرة وحلوة

راجعه لك

مرحبا...... :)

أفكارك كلها جميلة ...... لكن ما كان من الأفضل لو تأخذين فكرة واحدة علشان ما تتشتتين ........ ولا يمكن المطلوب منج أكثر من فكرة ......:)
على العموم ممكن تشتخدمين ( الفوتوشو ) وتعملين صور و كلمات بالبوربوينت ... يصير وايد حلو ...... وممكن أساعدج بعمل عروض بالبور بوينت و أطرشه ... هذا اذا كان الفوتوشو متوفر في مدرستكم ..... :)

سمر كيك
استخدام الاوفر هيد العادي اعتقد سي بدائي اما اذا كان شي اخر فهذا شي ثاني

فراشة
اتشرف بمساهمتك
واشكرك على تعاملك وتعاطفك معاي
بالنسبة للمدرسة احنى ما عندنا كمبيوتر بس انا اقدر استخدم كمبيوتري النوت بوك
وبالنسبة للبرنتشوب او البور بوينت انا ما اعرف استخدمهم
ياريت تكون هناك المساعدة

على فكرة اليوم تم طرح الفكرة ويوم الاحد انطر من التوجية العام
التنسيق واختيار بعض المواضيع اذا ما كان كلها

ادعولي