أفكار لحفل اخر العام (خاص لرياض الاطفال)

السلام عليكم

اخواتى الغاليين
أخر العام قرب وطبعا كل المدرسات بيجهزوا فقرات حفل اخر العام

ارجو منكم لتعاون ونتبادل الافكار لان بصراحه الكل مزنوق والامخاخ مقفول :D :16: فامحتاجين نشجع بعض عشان نطلع احسن افكار :)

انا هقول افكارى وارجو تبادل الافكار لتعم الفائده على الجميع

اول حاجه فكرت اعمل ماسك كبير ومعاه لبس على شكل مهرج ويقوم هذا المهرج بتقديم فقرات الحفل تمام كده
تانى حاجه فكرت بعمل نشيد حروف الهجاء يبقى خلفيه وكل طفل يخرج يمثل الحرف يعنى مثلا أ أرنب يجرى يلعب ياكل جزرا كى لا يتعب يطلع طفل لابس ماسك ارنب ومعاه حرف الالف كبير وهكذا
تالت حاجه فكرت بعمل عرض رياضى على اغنيه عن فلسطين


وكمان فكرت بعمل مسرح عرائس قفازيه بس بدور على قصه شيقه تكون عن الاسره عشان انشاء الله عايزه اعمل عرايس قفازيه بعجينه الورق ولد وبنت وام واب


وفى حاجه مهمه جداااااااااااااااااااااااااا فكرت فيها وعايزاها تكون اساسيه وياريت كل مسؤل عن حفله يعملها عايزين نعمل حاجه عن سيدنا محمد صلى الله عليه وسلم
بس تكون ما حصلتش عشان نحاول ننصر الاسلام ولو بشىء بسيط زى ده بعد اللى حصل من الدنمارك وارجو منكم اعطائى رايكم الغالى وافكاركمم الحلوه فى قصه مسرحيه او تمثيليه عن سيدنا محمد الله يجزيكم كل الخير
ارجو منكم التعااااااااااااااون ارجوكم وانا ببحث عن افكار وكل ما الاقى فكره انشاء الله هضيفها


فى انتظار افكاركم الحلوووووووووووووووووووووووووووه