السلام عليكم ورحمة الله وبركاته
وأحلى صباح لحلوات منتدى حواء ، وخصوصاً هذا القسم
أول مادخلت هالقسم كنت نشيطة وبعدها مدري شو صار لي صرت كسولة :redface:
عندي صور كثيرة مخزنة بجهازي بس احس مافي وقت إني أنزلها بالمنتدى
عاد اليوم قلت خلني أصير نشيطة وأنزل لأخواتي كم فكرة من شقتي
وإن شاءالله تستفيدون منها
بسم الله نبدأ
ماشاءالله ولا قوة إلا بالله
هذا المكتب صار له سنوات عندي كنا نستخدمه للكمبيوتر وملحقاته وبعد
مااشترينا الطاولة الخاصة بالكمبيوتر استغنينا عنه بس ماحبيت ارميه لأنه
من صنع أخوي الله يرحمه فحبيت يكون عندي للذكرى
لذلك حطيته بممر الصالة وفكرت له فكرة حلوة لإستغلاله بأني اسويه مخزن
لبعض الأغراض لأن مطبخي جداً صغير
حطيت بداخل المكتب سلة قديمة ما استعملها ، وبالرفوف حطيت بعض الأغراض
أخذت كارتون وحطيت بداخله الصواني الكبيرة اللي مااستعملها إلا نادراً وعلب
القصدير والشفاف والأكياس وسفرة الأكل
وهذا مخزني الصغنون :pinklove:
السلة مثل ماتشوفون أول رف علب الألمنيوم والبلاستيك والصحون
الرف الثاني اسفنج المواعين
الثالث صحون تقديم صغيرة مااستعملها الا للضيوف وبقية الشغلات باينة
وتطلع الأغراض
أخذت كارتون موز فاضي ونضفته زين >>>> الحين بتقولون وش دخل
الكارتون بالسالفة :icon20: الحين اعلمكم
غلفته بورق تغليف وعملت له مقبض من شريطة ستان
وحطيت بداخله الورود البلاستيك والتور والشيفون ..الخ
شغلات خاصة بتغليف الهدايا