بسم الله الرحمن الرحيم
السلام عليكم ورحمة الله وبركاته
فيه مشهد مكرر يمر تقريبا على غالبيه البيوت
وهو اننا اذا بغينا شغله نقعد رايحين جايين وين هالشغله وماشفتوها ووين حطيتها
وفيه بعض الاغراض مكرره في الضياع وكل شوي نقعد ندور عليها
فهذا الموضوع ندون فيه افكار للحد من ضياع الاغراض وان شاء الله يكون متجدد واتمنى تشاركوني بالاضافه :26:
أولا :
مقص الأظافر
فيه طريقه مره حلوه وحلت هالمشكله وذلك عن طريق ادخاله في أحد ميداليات مفاتيح الغرف الي تكون معلقه بشكل مستمر ع الباب
ثانيا
المشابك
نفس الشئ يتعلق بالمشبك حق الملابس احيانا نكون محتاجينه ويضيع بين زحمه الاغراض
جربي تحطين ثلاث او اربع مع الميداليه وراح تفك ازمه صدقيني
ثالثا
الكروت
كثير ناخذ كروت اما محلات او مشاغل او غيرها وتتراكم وتضيع
ووقت مانحتاجها ندور عليها وما نلقاها
الفكره هي استخدام حامل الجيوب وتثبتينه ورا احد الابواب اللي ماتستخدمينها بكثره
وترتبين الكروت وتحافظين عليها وقت الحاجه
رابعا
كرتون المناديل
مره يكون يمين ومره شمال ومره طايح مابين الكنبات وانتي مزكمه ومالك خلق وتدورين ع الكرتون
وودك تسطرين اخر واحد ضيعه
ريحي راسك وثبتي لك ع الجدار مسمار او علاقه باللزقه واغرزي عليها الكرتون في مكان ثابت
وكلما خلص الكرتون بدليه بالثاني
في الدنيا شغلات اهم من وقت ضايع للبحث عن الكرتون
خامسا
الريموتات
ياكثر ماتضيع
هالفكره حلت المشكله وهي لصق الشماع ورا الريموت ونظيره على جانب التلفزيون
مشكووووووووورة