جزاك الله خير

ام يحيى موضوع هااام جدا

والله العظيم انكم صادقين ما قاطع بين الناس الا هذا التكلف والفشخره الزايده


اقول لكم على زياره رحتها قريب انا واخوات زوجي رحنا عند واحده مريضه سوت عمليه

طبعا انا مع التعاون ومع الفزعات وقت الازمات

بس اللي انا شفته مو زياره لامراه مريضه محتاجه للراحه


كان كل شيء متكلف بمعنى الكلمه

حتى اغراض القهوه من حلى وغيره جابته معاها من المدينه اللي سوت فيه العمليه !!!!

طيب ليش يعني ؟؟؟؟؟؟


الكرم حلو وواجب اكرام الضيف بس بصراحه الله يهدي بعض الناس


وكان الكل رايحين جاييين يباشرون ويضيفون الحريم

اخواتها وبناتها وحريم اخوانها الكل كان واقف ويضيف

وذلك لكثرة الاشياء اللي جالسين يقدمونها للضيوف من حلويات ومعجنات


القهوه كذا نوووع والشاي يمكن اكثر من اربعة انواع

ولا شفنا راعية البيت زي الناس ولا تكلمنا معاها لان اهلها والشغالات رايحين جايين وهم يقدمون للضيوف


:30:

كمان في بعض مجالس العزاء تحولت الى مباهاه بانواع الضيافه

رحت مجلس عزاء كانت اصناف القهوه اللي قدمت الي اكثر من خمسة انواع مابين قهوه عربيه وتركيه وقهوه سوداء وقهوه قشر

وقهوه عاديه

لا حول ولاقوة الا بالله وطبعا كل نوع له فناجينه الخاصه به

وكل هذا وانا ما طولت يعني جلست اقل من الساعه وقدموا لي جميع الاصناف


يعني هلاااااااااك لاهل البيت بالريحه والجيه


بصراحه انا اكرم ضيوفي ولله الحمد لكن فيه مرحله يوصل لها الانسان يهلك يتعب يمرض

فالشيء اللي كنت اسويه زمان بنشاط مع الوقت ما قدرت من الالام اللي تجيني في الركب

والله مازلت اسوي لمات واعزم لكن خلاااااص احس وكل مالي ماعاد اقدر وفعلا اشيل هم لان مافيه احد يساعدني



والان مع هذا الموضوع الحلو شكلي بارجع للمات والتجمعات في بيتي لكن على بساط البساطه وعدم التكلف


سلمت اناملكن جميعا وبالاخص ام يحيى اللي اعتبر موضوعك هذا نصيحه اكثر من انه افكار

جزاك الله خير ياغاليه

يمكن ارجع واقول لكم عن طريقتي في الحفلات والجمعات الصغيره والكبيره:06:

حلو الموضوع جزاك الله خير....

الله يسعدك على هالموضوع بصراحه اناواهلي اللي هم عماتي

تجمعنا جدا بسيط لان ما بينا اصلا كلفه قعده ارضيه وقهوتنا وحلانا اي كان نوعه

والشاي على حسب فيه عشاء مافيش شاي الابعده ويكون اخضر وبس ...... واهل زوجي اللي هم خالتي واخواته

بعد نفس الشئ سوا عندهم او عندي لأنا نشوف بعض بشكل اسبوعي ومبسوطين

اللي اتكلف لهم الناس الثانيه تكون جلسه رسميه شوي عصير وقهوه والحلى والشاي وملحقاته اذا مافيه عشاء

ان كانت عزيمة عشاء شاى لوحده بس .... والسلام ختام

مشكورة على الموضوع ...
وانا مع الاخوات انك صعبه تقطعين الناس ... بس انا اهم شي عندي ارتب بيتي بالاول .. وتنظيم الوقت يساعدك على انك تطلعين سفره تفخرين بها من دون حاجه للخدم....