حطي مسابقة مثقفة الأسبوع على حسب عدد الكتب المستعارة :26:

السلام عليكم ورحمة الله وبركاته........... إشحالكم ؟ إن شاء الله ابخير؟؟؟؟؟

خواتي بغيت منكم خدمة لو سمحتوا ، ابغي عبارات تحث الطلاب على القراءة أو اي عبارات جميلة اقدر احطها بالمكتبة ، أو اي أفكار ممكن تساعدني في المكتبة وتساعد الطلاب ، مثل بعض الألعاب ممكن تفيد الطالب .


ارجو من اللي عنده اي شي للمكتبة اتحط لي .

وشكرا

اختي روافة ........ انا بقولك عن فكرة سويتها واعجبت المشرفة كثييييييييير

عملت سجل واسميته **سجل تفعيل المكتبة المدرسية ***

وضعت مقدمة
بعدين كلمة عن اهمية القراءة
ثم فوائد القراءة
بعدين عملت فهرسة لجميع الكتب الموجودة
وكذلك وضعت استمارة لاسماء المستعيرات وتاريخ الاستعارة
وكذلك استمارة مسابقة فيها اسم الطالبة والكتاب
والمطلوب كتابة عدد من الفوائد التي اخذتها من القصة او الكتاب
والخير فيه خانة لتقيمي واتي يجمع لها عدد خمس اوراق تكرم وتعطى جائزة
وش رايك؟
اتمنى اكون افدتك

حبيبتي روافه أفكاري خاصة للمدارس الأبتدائية
لأن تشد الأطفال
الفكرة الأولى:-
أول شي اشتري دفاتر تلوين وصوري من كل صفحة نسخ كثيرة وحطيها في ملف
بعدين سوي لك إذاعة خاصة تعلنين عن المكتبة
بحيث تقولين إنه فيها مسابقة لأفضل تلوين
ومسابقة لتلخيص القصة
ومسابقة لأفضل إلقاء بالإذاعة
واللي بتشارك تجيك بوقت النشاط تاخذ منك اللي تبغاه

الفكرة الثانية:
دوري على الفصول واطلبي منهم أي مواضيع بسيطة
وقولي لهم اللي تجيب موضوع تكتب اسمها علية
وإذا تجمعت عندك مواضيع اكتبيها بالكمبيوتر مع رسومات وصور بسيطة
بحيث كل موضوع مكتوب تحته اسم الطالبة
وصوريها على عدد طالبات المدرسة ووزعيها عليهم

تراها جابت مفعول قوي
وصارت المواضيع تتهافت علينا
وممكن آخر صفحة تحطين فيها لقاء مع طالبة متفوقة
أو طالبة متعاونة( تعطينها الأسئلة وتجاوب عليها ) بعدين تحطينها بالنشرة

ترى حتى الأهالي يفرحون إذا شافوا بناتهم

أتمنى تستفيدون من الأفكار وشكرررررررررررا

السلام عليكم ورحمة الله وبركاته

ابغى افكار جديدة للمكتبة المدرسية للمرحلة المتوسطة
مثل لوحات او مسابقات ....... وغيرها
يفضل افكار غريبة
ولكن جزيل الشكر والتقدير ...