السلام عليكم ورحمة الله وبركاته
كيف الحال
ادري بتستغربون من العنوان بس كل مافيه الموضوع بقول لكم شي
مابي اي وحده ترد بعاطفتها وتتخيل اني بخطف زوجها واتزوج اتمنى كل وحده ترد بعقلانيه وبدون سب وشتم وبدون ماتتخيل نفسها انه زوجها بيتزوج عليها لاتزعلون مني بس من اللي نشوفه بالمنتدى صارت الوحده قبل لا تكتبت تشيل هم مشكله ثانيه
بالنسبه للموضوع انا لي نظره يمكن تكون غريبه عليكم
انا وحده عمري تحت ال 25 مايهمني اعنس او لا اتزوج او لا
اللي يهمني كيف بعيش بذي الدنيا
اللي يهمني مستقبلي كيف يكون
وليس اكبر همي الرجل صحيح هي فطره لكن مو كل همي صحيح هي مرحله لازم امر فيها اكيد لازم بس ماراح اعطيها اكبر من حجمها
مشكلتي ياحبايبي امي ايوا امي
امي انسانه ولله الحمد مثقفه وواعيه وشهادتها عاليه جدا وماسكه منصب كبير ولكن في امور الزواج تبقى نظرتها مثل اي ام بالدنيا
اللي حاصل انا اللي يهمني بالزوج بعد الاخلاق والمحافظه على الصلاه الراتب والمنصب والمستقبل الرائع
ادري بتقولون لي مو كل شي الفلوس بالدنيا اهم شي التفاهم والحب بين الزوجين ااقول لكم صح صح كلامكم لكن ليه مايكون اخلاقه حلوه ويحافظ على الصلاه ومتفاهم ويحبني وعنده فلوس تعيشني
طبعا لما قلت الفلووس مو شرط يكون غني بس اقدر اعيش حالي حال اي بنت بالدنيا تحب الشوبينغ حالي حال اي بنت طموحه وتبي تدرس وتوصل لاعلى المناصب
لكن الان الزوج مايحب زوجته تكون احسن منه وعاليه بالشهاده وانا هالشي ارفضه لانه طموحي عاليه جدا
الشي الثاني الكفاح هذا انا مابيه لاني بكل بساطه متعوده على نظام معين في بيتنا ماقول لكم اي شي ابيه اهلي يجيبونه لي لكن اغلب الشغلات مشاالله تُجاب يعني تعودت على مستوى معين ماقدر اتنازل عنه
وبنفس الوقت الحياه صعبه ودايم افكر كيف بعيش كيف بكيف نفسي بزوج لازم اكافح معه وماراح اسوي اللي نفسي فيه الا لما اكبر واكون خلفت عيال ساعتها اتحسر على شبابي اللي راح بدون مااعيش حياتي
او يمكن اكافح معه واخرتها يتزوج علي اذا كبرنا مثل اللي نشوفه الحين يعني انا اكافح وغيري تاخذه عالجاهز ساعتها ماستفدت ولا شي
اتمنى تفهموني لاتقولون لي الفلوس مو كل شي صحيح السعاده مو في المال السعاده براحة البال وزوج رائع وابناء اروع لكن المال جزء من السعاده
اللي اشوفه البنت اذا تزوجت تتبهذل طبعا مو الكل لكن مثلا صديقاتي تكون متعوده على مستوى معين بعد الزواج اتفاجأ انه تغيرت وصارت مو مثل اول من ناحية الشكل واللبس ووووو ..ألخ من اشياء البنات
بالنسبه لامي ترفض من وراي بعدين تقول لي
جاني واحد حجازي يشتغل برامكو وعنده بيت مايحتاج اقول لكم اللي يشتغل برامكو يعني من جد ياحظها اللي زوجها في ارامكو الله يتمم عليهم للاسف امي رفضته بكل بساطه لانه مو من قبيلتنا
جاني واحد يشتغل في بنك للاسف امي رفضته لانه يدخن
جاني واحد صاحب محلات للاسف امي رفضته لانه يدخن برضوو
هل تحسون التدخين مشكله
يعني اذا جاك واحد يصلي اخلاقه رائعه منصبه رائع ترفضين عشان يدخن !!!
طبعا مو بس هذول اللي جوني فيه كثير بس اللي شهادته ثانوي اللي يشتغل بمطار
لكن الثلاثه اللي ذكرتهم هم احسن شي جوني وللاسف امي رفضتهم لاسباب احسها تافهه ودايم اقول لها انتي ام واعيه ومثقفه وعندك شهاده وترفضين لهذي الاسباب المفروض نظرتك تكون اعمق من كذا للاسف تبتسم بوجهي وكأنه الشي لايعنيها
ارجوكم بنات لا تقولون لي المال مو كل شي سبق ووضحت لكم وقلت فعلا مو كل شي بس ابي اكم الناقص
ولا ابي اكافح
فكرت اخذ متزوج واعتقد فيه مميزات ماراح يجلس عندي كل يوم
اي شي ابيه احصله
ولاتفكروني من النوع الغيور سبق وقلت لكم الرجل مو اكبر همي مجرد مرحله لازم امر فيها اتزوج واجيب عيال واسوي كل شي طبيعي موجود بكل انسان على وجه الارض
اتمنى تفهموني بنات انا انسانه طموحه ابي اعيش حياتي بعد الزواج نفس المستوى اللي انا فيه مع اهلي
ولاودي اكافح مع شاب اول حياته ولااستمتع بحياتي
اتمنى تفهموني ارجوكم وتقسون علي
يامتزوجات اعتبروني بنتكم اللي تنصحونها
قولو لي امي صح او غلط ؟؟
انا صح او غلط ؟؟
وصدقوني انا مو سطحيه لكن الحياه صعبه صعبه جدااا
اتزوج متزوج اذا خطبني ؟؟؟
اتمنى تقنعوني بوجهة نظركم بدون ردود قاسيه
طلب بعد التعديل
اتمنى قبل لاترد اي وحده تهدي ريلالالالالالالاكس انا جايه اخذ رايكم وتقدرون تقنعوني وعلى فكره الزواج من متزوج فكره جات في بالي قابله لتصحيح يعني العصبيه مالها داعي واتمنى بعد قبل لاتردين تقرين الردود كلها وردي عليهم عشان استفيد منكم اكثر ماجلس اكرر كلامي وكلامك ينعاد
وجزاكم الله خير مقدما
GMR_KSA @gmr_ksa
عضوة جديدة
أفكر اذا خطبني متزوج اتزوج شرايكم !!1 واللي زوجه رقم 2 تدخل تفيدني بتجربتها
96
17K
هذا الموضوع مغلق.
(alwan)
•
لا يمكنك مشاهدة هذا التعليق لانتهاكه شروط الاستخدام.
ودي أقول رأيي بس خايفة القى هجوم خخخخخخ
أنا عمري 26 وأفكر اذا شاء ربي وجاني متزوج .. وعنده ظروف مقنعة جدآ للزواج مره ثانية .. وهو قادر يفتح بيتين يعني مهوب شرط غني مررره .. وسنه ماهو كبير .. ليه لأ :)
بس مادامك صغيرة لا تفكرين بالمتزوج .. أمك تبي لك الأفضل وان شاء الله يجيك ألي يعجبك أنتي وأمك
موفقه حبيبتي :26:
أنا عمري 26 وأفكر اذا شاء ربي وجاني متزوج .. وعنده ظروف مقنعة جدآ للزواج مره ثانية .. وهو قادر يفتح بيتين يعني مهوب شرط غني مررره .. وسنه ماهو كبير .. ليه لأ :)
بس مادامك صغيرة لا تفكرين بالمتزوج .. أمك تبي لك الأفضل وان شاء الله يجيك ألي يعجبك أنتي وأمك
موفقه حبيبتي :26:
مو كل من تكون ثانيه هيه خطافه رجال ..
ترا اخوي زوجته طلعت عيونه وهو ما يستاهل وهذا هو في خاطره يبي وحده تسعده يبي يتزوج
بس سؤالي لك ليش نطيتي على طول انك تكونين مره ثانيه
ترا اخوي زوجته طلعت عيونه وهو ما يستاهل وهذا هو في خاطره يبي وحده تسعده يبي يتزوج
بس سؤالي لك ليش نطيتي على طول انك تكونين مره ثانيه
يعني انت خايفه وشايلة هم تزوجين واحد من عمرك وتكافحين معاه وبعدين تجي وحده تاخذه منك ؟؟ بس ماهامتك الزوجه الي راح تاخذين زوجها منها وكيف راح يحترق قلبهاويمكن تطلب الطلاق بسببك وتحطمين حياتها وسعادتها مع زوجها ..
ليش الانانيه؟؟ تبنين سعادتك على سعادة غيرك!!
لا تقولين هاجمتك ..انامجرد قلت الحقيقه
واشوف هالايام وايد منتشرة مواضيع تشجع على الزواج من رجل متزوج... وانتو اكيد عارفين شنو يسبب هالزواج من مشاكل وهدم بيوت
الله حلل التعددفي حالات معينة وبشرط العدل بين الزوجات ,, والصراحه مافي رجل في هالزمن يعدل
ليش الانانيه؟؟ تبنين سعادتك على سعادة غيرك!!
لا تقولين هاجمتك ..انامجرد قلت الحقيقه
واشوف هالايام وايد منتشرة مواضيع تشجع على الزواج من رجل متزوج... وانتو اكيد عارفين شنو يسبب هالزواج من مشاكل وهدم بيوت
الله حلل التعددفي حالات معينة وبشرط العدل بين الزوجات ,, والصراحه مافي رجل في هالزمن يعدل
الصفحة الأخيرة
أنا مع أمك باللي ردتهم أشوف ان الحياة معهم صعبة
وإن شاء الله رزقك بيكون أحسن منهم
وبالنسبة للمتزوج هذي حياتك انتي اللي تحكمين يناسبك وإلا لا
قبل ماأتزوج كنت أفكر بنفس طريقتك لكن أختي مجربة
هي الثانية وحذرتني
والآن أقول الحمدلله إنه موب متزوج وإلا كان علوم !!
يعني فكرتك بتتغير بعد الزواج.