أفكر ازوّج زوجي

السلام عليكم
مالي الا انتم استشيرهم في مشكلتي
انا لي متزوجة ٨سنوات وعندي طفلين وحامل واحس اني مو مرتاحة في حياتي اكره بيتي لاني ساكنة فوق اهل زوجي ومالي خصوصية حتى المدخل مشترك بيننا واكره المنطقة اللي ساكنه فيها لانها مدينه صغيرة ومافيها شيء حلو والحياة مع هالزوج مملة لان ٢٤ساعة ع الجوال رجل صامت مايسولف ابد وزيادة ع ذلك شكاك
والله ان جاني اكتئاب نفسي بس جالسة في هالبيت مااطلع ابد
افكر ازوجه زوجي وحدة بنت حلال تسكن في بيتي وانا وعيالي اروح لاهلي وهو يجينا بين الفترة والثانية عشان العيال ماابغى ينحرمون من ابوهم
لحد الآن مافاتحته بالموضوع قلت بستشيركم بالاول ونفس الوقت اخاف ازوجه واندم مدري وش اسوي
طبعاً النقل رافضه وانا اتمنى انقل اولاً الى مدينة كبيرة ويكون لي شقة مستقله ولها حوش صغير يلعبون فيه عيالي ولي خصوصيتي لان حتى الحوش اذا نزلوا عيالي يلعبون فيه ام زوجي تزعل وتطردهم وهم بس محبوسين معي في الشقة والله احس انهم طفشوا الله يفرجها يارب علي وعلى كل مهمومة