حابه استشيركم بموضوع يراودني هالايام ..
وهو ان عندي صديقه كانت معاي ايام المتوسط والثانوي لكن علاقنا كانت رسميه وسلام وعليكم السلام
يوم دخلت الجامعه اول سنه شفت شخصيتها الحقيقه تحب تنزفز وخصوصآ انا
يعني استغرب منها وانا ارد عليها تعرفون اعصب
المهم دايم دايم كنا نختلف واعصب عليها وهي تعصب وكل وحده ترمي كلمه وش كبرها
لكن الي انا انصدمت منه مره كنا نتراسل وارسلت لها رساله عن اسئله حلوه عن الصداقه
اكثر الاسئله اجوبتها تنرفز مثلآ وش الموقف الي انا اعجبتك فيه ؟ تقول : مااذكر بس للأسف
مافي شي لاتزعلين
وكلها اجوبه تنرفز مثلا انتي عنيده الله انتي تخانقين وتزعلين لكن الله كبير > حسيتها تدعي علي
والى الان حافظه رسالتها عندي بالجوال وحافظه كامله بااسمها وارجع لها للأسف واتذكر
المهم واجهتها بالرساله وقلت لها ذكرتي كل سلبياتي ولا ايجابيه
المهم ماردت من بكره ارسلت انها تعتذر وكذا وانا عصبت ورديت عليها رد صعععب
وارسلت تدعي علي حسبي الله عليك > دعت وخلصت
المهم انا قلت لها تدعين علي يافلانه ؟؟ ماتوقعتها منك قالت انا مظلومه ومدري ووشو
المهم تعتذر وانا اعتذر
من بدايه سنه ثالث العام قلت مااراح اتخانق ابد وان شفت شي يقهر مرااح ارد عليها ابد بس ابلع
قهر واسكت واذكر ايام كنت اسخن من التفكير بها وبخناقنا وقلبي يدق بسرعه مع
انه شكلها اقل من عادي ومستواها عادي يعني مدري ليش شلت همها
الخلاصه ان هالسنه اخر سنه وكنت اتمنى اتخرج من الكليه عشان مااشوف وجهها قدآمي
الي شفته مو شويه هي الوحيده الي هزت ثقتي بنفسي يوم من الايام >الا كل السنين
وجالسه افكر واقول الله بيحقق امنيتك وتتخرجين ان شاءالله وكنت اتمنى اقطعها
لما اتخرج ومدري افكر الحين اقطعها او لا ؟
ان خلصت عشان ارد كرامتي ... الحمدالله تعرفت على بنات ودوم معهم لكن اشوف البنت هذه
وادق اسأل عنها هي تدق احيانآ ... لكن بالعطله ابد مااشوف اتصال ولا رساله الا بالشهر مره
انا انقهر ماارد على مسجها
تقهر والله قلت مصلحه شكله يعني تسليه
بس العيد دقت ومارديت ههههههه تبي تعيد مغصوبه شكلها
واكثر شي يقهرني لما تجي العطله ماتدق ابد وانا كنت زمااان اول سنه اعاتبها
لين توصل لخناق ان شكلوا صداقتنا بس دراسيه ؟؟!
ولين طنشتها وماصرت اسأل ولاشي ارتحت
انا مرات ان شفتها اضحك واسولف ودايم لكن ان تذكرت انها صديقه كليه ومصلحه اتركها
وامشي مع صديقاتي الي احبهم . ومرات تغار مني ودايم ان شافت اهتمامهم
ومرت علي ايام ماآكل وخليتها اكبر همي عشان كذا قلت برد حرتي ان تخرجت ان شاءالله
صحيح سامحتها لوجه الله ومابقلبي حقد لكن الجرح كبير وماينسى
وكنا اسوي مواضيع واستشير المنتديات طبعا البنات وش اسوي وشايله همها وهم يقوولون طنشيها
طنشت لكن جرحها مانسيته ومااقدر ذيك الفتره اقاطعها يعني بوجهي دايم والحين بتجي الفتره
الي مااشوفها فيه وهي التخرج . احسها تغليني لكن ماتبين !!
اسفه ع الاطاله بس شرآيكم اتركها ان خلصت ان شاءالله جامعه ؟!
كنت احبها وصندوق اسراري لكن حتى كلمه اشتقت لك مااقولها ولا هي
باانتظاركم
الباب اللي يجي منه ريح سده واستريح
.....................................
بس حلليها وسامحيها هذي اخلاق المسلم واتركيها لخالقها...
مو كل شي بالغصب بهذي الحياه وكرامة الانسان ماهي لعبه... ولاتنسين ان المؤمن لايلدغ من الجحر مرتين..
والله يوفقكم كلكم..