أفكر فيه مو قادره انساه ]

السلام عليكم
بنات بدخل بالموضوع على طول
قبل سنه تقريبا انخطبت لشاب وصارت شوفه شرعيه لكن ماصار نصيب وانا الي رفضت ماادري وش جاني اولا مااعجبني شكله بعدين انا عندي عقده من الرجال بسبب ابوي كرهني فيهم كلهم اول ماشفت الشاب هذا حسيت من ملامحه انه شرير وانا ماادري عنه بس جاني هالاحساس بعد ماطلعت حسيت اني متضايقه وماارتحت ابدا وانا دايم كذا اذا انخطبت احس بضيقه مره ولا ارتاح الا لمن ارفض
اول الاجازه قالت لي صاحبتي انه تزوج انا يوم عرفت انه تزوج ضاق خلقي وتحسفت اني رفضته مع ان مافيه شي ينعاب واي بنت تتمناه حتى يبي يسكني بالمدينه عند أهلي وهذا الي انا ابغاه بس دلع بنات او ماادري وش فيني
صرت اليومين هذي بس افكر فيه واقول في نفسي لو كنت موافقه كان دحين انا متزوجه وصورته ماتفارق خيالي ماادري ايش جاني :44: مع اني مو من طبعي هالشي ومااعترف بالحب والخرابيط هذي
ايش رايكم لو كنتو مكاني تتحسفو على الي سويته ؟