بسم الله الرحمن الرحيــم
اخواتي الغاليات ..ياباغيات الخير أقبلن..
هذي أفكار دعوية خيرية تنفع بأي وقت فما بالك بايام تتضاعف فيها الحسنات
ولااااا تقولين صعبة لانها بسيطة وسهلة بس تبي عزيمة واخلاص للنية
ولاااااا تحرمين نفسك الأجر وتقولين شغلات تافهة او تصلح للمدارس بس لااااااا احذري
تتهاونيين بذا الشيء حتى ماتقل عزيمتك
وطبعا هي اجتهاد شخصي غير حصري يعني المجال مفتوووح لمزيد من الأفكار واللي عندها فكرة
تضيفها حتى البقية يستفيدوا وتؤجر عليها :
بعض الأفكااار
• توزيع الاذكار مثل قلم الاذكار او الكتيبات الصغيرة او حصن مسلم على افراد البيت عملا بقوله تعالى " وأنذر عشيرتك الأقربين "
• ممكن تصلحين مطويات عن مواضييع دينية مجرد صفحة وحدة انتي تسوينها او تسحبين من النت جاهزة وتلفينها بشكل حلو وممكن تحطين معها بسكوته او حلاوة عاد انتي تفنني بهالشي وبعدين حطيها بمكان تجتمعون فيه مثل المجلس او الصالة ويكون بمكان بارز وملفت.
• ولمزيد من الأجر انصحك تختارين اشياء غافلين عنها او متكاسلين فيها مثل الأدعية ( دعاء ختم القران- القنوت – فضل بعض السنن – سنن مهجورة وهكذا) ولا تنسي سيرة الرسول عليه الصلاة والسلام .
• الاشرطة لااااااتنسينها !!! ادري بتقولين هجروها بقولك جيبي اشرطة كاست او سيدي او أي نوع وشغلي بالبيت قرآآآن او محاضرة وعبي سيارات بيتكم منها واذا رحتي بالسيارة اطلبي منهم تشغيلها حتى لو مشوار صغير.
• كمبيوترك هذا تراه ابو الافكاااااااار مثلا اذا شغلتيه حطي محاضرة مؤثرة او عبارات مؤثرة من بعض المحاضرات وعبيه مما ينفع حتى اذا احد استخدمه يستفيد وحطي عبارات على الشاشة بحيث يشوفونها
• النت اللي كل يوم تدخلينه ترا فيه مواقع ثابتة ممكن تضيفين لها موضوع ديني نافع او تذكير بسنة او موعظة وبعض المنتديات تحط شريط اهداء ممكن تكتبين فيه موعظة او اذكار و فضل شي وهكذا واهم شي توقيعك لااااايخلو من دعاء او تذكير او موعظة او حتى آية تكسبين اجرهم
• اذا طبختي اكلة جديدة او يحبونها وتكلمتي عن مقاديرها او طريقتها لاتنسين تذكيرينهم بشكر النعم والتحدث بها وفضل الصدقات وان يحمدوا الله على نعمه وتذكرينهم بالفقراء والمساكين.
• استبدلى اعواد الاسنان اللي تستخدمونها بعدالاكل بالسواك وذكريهم بفضله وممكن تحطينه بشكل حلو وتلصقين فيه مثلا حديث عن فضله " السواك مطهرة للفم مرضاة للرب"
• اذا اجتمعت مع اهلك مثلا اطرحي سؤال ديني او في السيرة او لغز نافع وخليهم يفكرون بحله تراه يجيب نتيجة حلوة منها تذكير ونفع وممكن بعدين تسوين مسابقات مثلا في السنن او سيرة المصطفى او فضل بعض العبادات او ممكن سرد القصص النافعة
• اذكرك اخيه بفضل حلقات الذكر وحفظ القران وتدارسه والتذكير ببعض الأحكام والاعمال الصالحة بان تجعلي ذلك من نصيب جلساتك العائلية ولا تحرمين نفسك اجرها ولاتجعلي احاديثكم لاجل الدنيا وفي الدنيا اسأل الله لنا ولك الثبات والرشد
• اخيه اذا نجحت في تنفيذ تلك الافكار في بيتك وعلى عائلتك فإنك بذلك زرعت البذرة الأولى في سبيل الدعوة ولا تنسي البدء في زرع مثلها عند جيرانك واقاربك وفي المساجد والأماكن العامة
ختاما اخواتي كما أشرت فالأفكار كثييييييرة ولا حصر لها ومن لديها المزيد فلتضعه هنا ولاتحرمنا منه لاحرمها الله اجره
وهذا الموضوع هو اجتهاد شخصي مني ولابأس بنقله فمن نقله فله اجره بإذن الله
وارجو منكن الدعاء لي في ظهر الغيب ....
اختكم
حسبي ربي وكفى
حسبي ربي وكفى @hsby_rby_okf
عضوة فعالة
يلزم عليك تسجيل الدخول أولًا لكتابة تعليق.
*( مرآم )*
•
الله يجزاك خير وينفع بك
الله يجزاك خير وينفع بكالله يجزاك خير وينفع بك
وياااك يارب
اسعدني مرورك الله يجزاك خير
اسعدني مرورك الله يجزاك خير
وياااك يارب اسعدني مرورك الله يجزاك خيروياااك يارب اسعدني مرورك الله يجزاك خير
ما شاء الله تبارك الله
جزاك الله خيرا كثيرا
:)
جزاك الله خيرا كثيرا
:)
الصفحة الأخيرة