أفكــــــــــار بنات حواء في فكـــــــره واحده

السلام عليكم حبيباتي ..

ما تدرون اشكثر انا استانس لما اطبق طريقه لكيكه او اكله واحط لكم الصور .. وبعد على طوووووووووووول اتصل في اختي وامي وصديقاتي ما عندي سالفه غير اني شفت طريقه دياي ولا شفت طريقه لكيك ولا .... ولا .....

مره واحد صبغ بيتهم ولما وصل لمنتصف الطريق حس بالملل فكتب (الخ) هههههههههه بايخه صح .

المهم احس بالسعااااااااده ..

واحب اشكر كل وحده تكتب في عالم حواء عن طريقه لاكله معينه .. جزاكم الله خيرا احس انه ان شاء الله ينكتب لكم صدقه جاريه .. تخيلي وحده تكتب عن مقادير برياني وتروح تسويه لابو العيال ويرضى عنها سبحان الله شوفي الاجر ..

واحب بعد اعتذر عن اني ناسيه اسامي البنات اللي اقتبست منهم هالافكار هههههههه افكار مسروقه ..

اللي سويته دونات في جهاز الدونات و استخدمت :

اولا الكيكه الفلبينيه ماادري لمنو بالضبط هل هي لام الذرابه او لهند او لحد غير

وثانيا فكره الكب الكيك الملون هم بعد ما اتذكر لمنو المهم جزاكم الله خير على الافكار والاطباق ..

خلطت طريقه الكيكه الفلبينيه وقسمتها ثلاثة اقسام
قسم حطيت فيها قطرات من اللون الاخضر

وقسم قطرات من اللون الاحمر ما زودت لاني اخاف الصراحه من الاصباغ واستخدمت فوستر كلاركس نتيجه لاستخدام ام الذرابه في كيكتها .

وقسم نسكافيه مذوب في القليل من الحليب

والى جهاز الدونت ..

وهالصور ..