أولا مبــروك على التخرج والله يوفقه دوووم ان شاء الله ...
ثانيا .. أنا ما ايخصني اف بوظبي .. بس أكيد في محلات زهور راقيه وتغليفها بيكون تووب أو خلج ويا شور البنات الي ايعرفون اف بوظبي أحسن ..
ثالثا .. خلينا في محتوى الهديه .. طبعا البنات ما قصرن .. بس أنا بضيف عليهم ..
طبعا هي خذت عطووور وها شي أساسي في الهديه ( يعطي احساس رقيق) .. وبامكانها تاخذله نعال راقيه من المندوس مثلا .. وتاخذله قــلم راقي وبوك وتكتب عليهم اسمه ..
وفكره البرواز الي قالت عليها أختنا الراقيه وااايد حلوه خل اتسويها ..
وبعد بامكانها تاخذله عصفورين حلوين واتحطهم بقفص صغير وحلو وايكونوا فوق الهديه وهي مغلفه .. يعني بطريقه حلوه .. عشان ايقولها هذيل أنا وانتي .. ^____^
وبامكانها تشوف هو شو ايحب الضبط وتهديه .. مثلا لو ايحب الشوكولا تختار له نوعيه فاخره مثل الباتشي او البيستاش او الفواله .....الخ وتحطها ويا الهديه .. ولو كان من النوع الي ايموت بالتجديد بخصوص التليفونات بامكانها تهديه أجدد نوع نزل في السوق .. واذا كان ايموووت في سيارته بامكانها تختار كولكشن كاااامل من معطرات جو وغطاء السكان و الجير ودواسات ...و غيرها ..
والله الرياييل مشاااكل الواحد ما ايعرف شو يهديهم ..
بس أعتقد هالافكار كلها تكفي واتوفي .. لا تخليها اتدلعه وايد عشان ما يتعود دوووم ..
وعسى الله يجمعهم على الخير ان شاء الله ويفرحهم ببعض ..
بثـينة
•
الصفحة الأخيرة
الله يسعدهم