ياهلا،، تجر يا مسهلا ،، تسحب مرحبا ،،ترز لكم سلام معتبر:biggthump
اليوم موضوعنا سلمكم الله عن الفهم المغلوط للتسامح وأخذ الحق
كلها انخلطت بخلاط مولينكس ... وطلعت تعابير مدري شلون :08:شكلها
وفيه فرق مثل بعد السماء عن الأرض بين كل مفهوم وآخر
وعشان أقرب لكم الصورة شوفوا::::
ليه وببساطه لما يصير موقف ما بين وحده والثانية وتتضايق اللي إنغلط عليها وتبي حقها سواء كان اعتذار أو رد اعتبار... أول شي يجيها 1_ تهوين على سالفتها وأنها ما تستاهل القضية كل ها الزعل:06:
2- يجيها تذكير بالعفو والتسامح وووو سبحان الله وكأنه من الموبقات إنها تبي حقها:icon32: وإليكم مثال عن العفو :
عفو الرسول صلى الله عليه وسلم مثلا عن أهل مكة عندما قال لهم إذهبوا فانتم الطلقاء
يعني الخادمة مثلا لما تقولين لها سكري الشباك قبل النوم وتصحين تلاقين الدنيا زيطة غبار
العفو هو ترك الشخص بدون عقاب بدون أخذ حق مادام الأمر عارض .. أو تتوقعين الخير من تركك له فمثلا عفوا الرسول عن أهل مكة فائدته أعظم من عقابهم ذلك الوقت وأصبح الناس بعدها يدخلون في دين الله أفواجا...
وكذلك مثلا لما تتركين الخادمة وتقولين الله المستعان بس إذا الرجا بأنها تنتبه بعد كذا .. وبتصير أحرص أو تحببينها للدين إن كانت غير مسلمه أو لأنها هي اللي راح تكرف وترجع تمسح الغبار
لكن وركزوا معي الآن:icon810:
التراكمات وشي
التراكمات مجموعة من التصرفات أو المواقف المتكررة ورى بعض .. أو تفصلها فترات زمنيه صح ... فتكون مثل الجبل
الأمراض النفسية الآن وأبسط شي منها الرهاب .. أو القولون العصبي من وين تجي ذي ماتجي إلا من أفلاطونية التسامح اللي البعض ينادون فيها
التسامح رااائع ومطلوب بس على حسب الشخص .. أو القضية .. أو الموقف .. أو حتى التكرار
ياناس إحنا بشر والله خالقنا بمشاعر وراسل معنا كاتلوج للإنسانية _ القرآن والسنة الشريفة _ 0من حسن إسلام المرء تركه ما لايعنيه0 لكل أمر في الحياة فيه له مقابل من العقوبات إذا انتهك
الآن أبو بكر رضي الله عنه لما ظل يتصدق على الصحابي الجليل مسطح بن أثاثة أحد الذين شهدوا بدر ولكنه أحد الذين ساهموا في حادثة الإفك سامحه ولكن جلده رسول الله يعني وش المانع آخذ حقي والإعتذار من اللي غلط علي ونكمل الحياة بأريحية ؟؟؟
الرسول جلد شاعره حسان بن ثابت بحادثة الإفك أيضا
القذف انتشر بين الناس وصار بأشد مايكون ونسوا إنهم لعنوا في الدنيا والآخرة:024: .. والأغلب ببساطه يقولون دعوة للمسامحة وسامحوا ليه أفلام كرتون حنابسمة وعبدوا من أجل الناس الناس من أجل الخير الخير لكل الناس >>> فاصل للتهدئة:o
الله أعلم فينا وبإحساسنا وأن التسامح لايكون إلا بعد الإقتصاص بعد أخذ الحق
العفو غير والتسامح غير التسامح واحد مثلا قتل واحد وطالب بقصاصه وش يقولون له سامحه وإلا أعفوا عنه ؟؟؟
إن رفض العفو وأقيم عليه القصاص طبيعي راح يسامحه لأن حقه أخذه
صح .. والعافين عن الناس لهم أجر وأجرهم عظيم بس ها اللي طالب بالقصاص أو بالأخذ بحقه ماله أجر؟؟؟ سبحان الله:44:
الحسنة تمح السيئة صح .. لكن فيه ناس ما تعطيك الحسنة اللي تمح السيئة لا سيئة ورى سيئة ورى سيئة ... فيه ناس عفوك عنهم أو تسامحك عليهم يتركهم يتمادون ويتمادون وأنت من باب الفهم المغلوط صابرة وتعانين من صحتك وشبابك
لا ادعوا إلى الحرب لا أدعوا للحقد لا والله أبدا ..
ولا ادعوا إلى تقطع العلاقات بالعكس:buck:
أنا أنادي بتصحيح الأوضاع.. واحترام كل وحده لغيرها من الناس
غير كذا الناس طاقاتهم تختلف .. ونفسياتهم وشخصياتهم ودرجة تدينهم .. ومجتمعهم فيه مجتمعات أو بيئات البنت فيها صفر على الشمال لاتهش ولا تنش وببيئات أخرى المرأة مكنونه بالفعل ولها مثل ما للرجل وله قول يؤخذ فيه ورأي ينشد به وحتى الطفل عندهم له كرامة تطبيق للدين بجد ..
المؤمن القوي خير من المؤمن الضعيف هل تتساوى وحده تعفو وتسامح وصابرة .. وفيها ضيم وقهر الليالي وأنهكت جسدها وراح عمرها وهي بس تدعي !! مع وحدة صابرة وتعفو أحيانا وتسامح أن جتها الحسنة اللي محت السيئة وتأخذ حقها بأدب وتراعي الله بنفسها وبغيرها وتنصر الظالم أو المظلوم وعارفه أن لبدنها وصحتها حق وماتسمح لأحد يغلط عليها ؟؟؟
مزح مبالغ .. ألفاظ سوقية .. دق وهمز ولمز.. بسألكم هل أمر فيها الدين وحبب فيها طبعا لا ... ومعروف إنها توغر الصدور... الله ونبيه قايلين ها الشي وأنتم ببساطه تبون خلاص بأستيكه نمسح ولا كان شي صار:06:
ليه ما نسامح لأن مفهوم التسامح غريب عجيب عندكم
لو أن التسامح اللي تطالبون فيه صحيح كان مافيه وحده اشتكت لأنها طبعها متسامح .. مافيه وحده جتها قرحة بالمعدة أو قلق أو أرق ..
مافيه طلاق ليه لأنه تستحيل الحياة بينهم فالله أباح الانفصال وقال (يغن الله كلا من سعته ) أحنا بشر مو ملائكة
أحنا نبي حقوقنا اللي الله أعطانا إياها ندخل مكرمين ومحترمين بالحياة ونطلع منها محترمين ومكرمين
متى استعبدتم الناس وقد ولدتهم أمهاتهم أحرارا
أمثلة منتشرة وهذا بعض منها
_ بنات كبروا بأعمارهم وماتزوجوا لأن أبوهم ما سك عليهم في المجتمع وش يقال وبالمنتدى سامحيه وخزياه تزعلين على أبوك يادافع البلا بتشتكين أبوك
الدين وش يقول فالذي ننصحكم به أولا الصبر على والدك ودعاء الله تعالى له أن يصلحه، وتذكيره بأن التعنت في أمر الزواج وتأجيله قد يضربابنته هذه، ويمكن أن توسيط أهل الخير في ذلك فإن إقتنع فبها ، ولكن إن خشيت على نفسها الضرر وأن يفوتهاأمر الزواج بسبب رده الخطاب ، فيمكنها أن ترفع الأمر إلى المحكمة الشرعية فإن ثبت عند القاضي الشرعي عضل وليها لها زوجَّها القاضي أو وكل من يزوجها؛ كما هو مبين بالفتوى رقم: 76594،
الصبر والدعاء مع الأخذ بالأسباب
_ زوجات ظلموا كالخدم مالهم حقوق ببيوت أزواجهم ظلم لا يكون إلا من إنسان لايخاف الله
وش يقول المجتمع والمنتدى اصبري بتلاقينها سامحيه واعملي له واعملي له والخ الخ
الدين وش يقول قوله تعالى : ولهن مثل الذي عليهن بالمعروف
_وحده تشتكي من إهمال زوجها وهجرها وظلمها وو وببساطة يجيها الرد من المجتمع والمنتدى سامحيه احمدي ربك ما سوى وووو وماهنا رجال ما يسوي كذا
بالدين وش يقال واليكم قصة المرأة التي نزلت فيها سورة المجادلة هي خولة بنت حكيم بن مالك بن ثعلبة، تزوجت من ابن عمها أوس بن الصامت فكانت له نعم الزوجة، اختلفت معه في يوم من الأيام، أو ناقشته في أمر من أمور الحياة، فغضب وثار
قالت أم المؤمنين عائشة بنت أبي بكر رضي الله عنهما: تبارك الذي وسع سمعه كل شيء، إني لأسمع كلام خولة، ويخفى عليّ بعضه وهي تشتكي زوجها إلى رسول الله صلى الله عليه وسلم.
قالت: يا رسول الله، زوجي أكل شبابي، حتى إذا كبرت سني ظاهر مني، اللهم إني أشكو إليك
ماقال لها خلاص اقعدي على عيالك أو أو من ها الكلام الممل نزلت سورة كاملة تنصفها والسنة مليئة بمواقف راقية وعادلة مثل هذا وأكثر
_ وحده يعيبون عليها سلفاتها .. أو خوات زوجها .. أو صديقاتها .. ومعاير ونقص عقل ووش يقال لها بالمجتمع والمنتدى سامحيهم وماعليك الأجر لك وطنشيهم ولاتردين عليهم والخ الخ الكلام اللي ماخوذ خيره
ووفي الدين وش يقال بلغ صفيه زوجة النبي صلى الله عليه وسلم أن حفصة وعائشة أمهات المؤمنين رضي الله عنهن أجمعين قالا بأنها بنت يهودي. فتضايقت من قولهن وأخبرت رسول الله فقال لها: قولي لهما: " إنك لابنة نبي وعمك لنبي وإنك لتحت نبي ففيم تفخر عليك"
علمها شلون ترد وترفع رأسها بدون أذى
شفتوا الفرق
يا عسولات التسامح غير ... والضعف والخنوع غير ... والتسامح وقت المقدرة غير... ولأنه مفروض وما بيدك إلا هو غير...
ليه اللي تبي تحافظ على احترامها لنفسها وبالتالي احترامها لغيرها ليه اللي تبي حقها وحق إنسانيتها ليه اللي تدافع عن أي شي يخصها تطلع حقود تطلع شرية أعوذ بالله منها ؟؟
يامجتمع قلبت فيك الحقائق .. وصاروا الناس يأكلون ببعضهم دون رادع
آآآخ بس
ربنا لا تجعل في قلوبنا غل للذين امنوا واعفوا عنا واغفر لنا وارحمنا
موضوع للنقاش والأخذ والرد
وسلامتكم
دمتم بود
مـــوهـــومـــه* @mohomh
كبيرة محررات
يلزم عليك تسجيل الدخول أولًا لكتابة تعليق.
اللهمـ صلي وسلم وبـآركـ على سيدنـآ محمد وعلى آله وصحبه أجمعين ,, لي عـوده ياغاليـه ,, رفع الله قدركـ دنيـآ وآخره ,,اللهمـ صلي وسلم وبـآركـ على سيدنـآ محمد وعلى آله وصحبه أجمعين ,, لي عـوده ياغاليـه ,, رفع الله...
اللهم صلي على محمد وآل محمد كما صليت على ابراهيم وعلى آل ابراهيم في العالمين انك حميد مجيد
بإنتظارك وحياك الله
بإنتظارك وحياك الله
اللهم صلي على محمد وآل محمد كما صليت على ابراهيم وعلى آل ابراهيم في العالمين انك حميد مجيد بإنتظارك وحياك اللهاللهم صلي على محمد وآل محمد كما صليت على ابراهيم وعلى آل ابراهيم في العالمين انك حميد...
شكرا عى الموضوع فعلاً مووووووووهوبة
لييت فيني طبع التسامح:024:
والله إن التسامح رمز القوة
يكفي قوله تعالى ((والعافين عن الناس))
أستأذنكم أبسوي الغداء:7_2_103v:
لييت فيني طبع التسامح:024:
والله إن التسامح رمز القوة
يكفي قوله تعالى ((والعافين عن الناس))
أستأذنكم أبسوي الغداء:7_2_103v:
الصفحة الأخيرة
لي عـوده ياغاليـه ,, رفع الله قدركـ دنيـآ وآخره ,,