أفيدوني بشأن حافز

السلام عليكم

يالغاليات ياليت تفيدوني اش اسوي

أنا طلع اسمي بحافز إني مؤهلة للإعانة وطبعآ هذا الكلام كان الأسبوع الماضي

قبل يومين تفاجئت برسالة من حافز تقول

" لقد تم اختيارك من ضمن المسجلين في حافز للالتحاق بمركز طاقات للتوظيف التابع لصندوق تنمية الموارد البشرية

وسيتم ترتيب موعد الحاقك بمركز طاقات للتوظيف بالاتصال بك على جوالك خلال خمسة أيام "

يعني بيتصلون فيني خلال ذي اليومين واللي اعرفه إن الاعانة بتنزل السبت

أقسم بالله سدوا نفسي وما أدري اش اسوي

وحدة من صاحباتي تقول لاتردين عليهم وأخاف إنهم ماينزلونها لي " ويعلم الله إني بحاجتها "

وحتى لو رديت عليهم ماأقدر أروح للمبنى حقهم بعيد عن بيتنا ومافي أحد يوديني مرة

أحيان أقول خلاص بكيفهم .... فياليت تفيدوني يالغاليات