أفيدوني وأفيدوا كل بكريه...

وانا بعد بكريه:icon28:
يليت البنات يفيدونا وبالصور اذا ماعليكم كلاف

علامكم يابنات ماتبون تفيدونا على الأقل ردوا لو بدعاء علشان الموضوع مايروح...

فيه ملف هنا تجهيزات الام والمولود بس عجزانه اجيب الرابط

تلقينه بهالقسم

اول شي الله يقومك بالسلامة
وثانيا بلاخسايروالاشياء الضرورية :المر تستفيدين منه في الشرب والبخور وغسول
غطاءالصدرمن جونسون للرضاعة
مجموعة جونسون للنونو
ملابس للنونواذاتعرفين جنس الجنين اماكنت شاكه فاختاري اصفر ولاتكثرين لان راح يجي له هدايا
ملابس لك للنفاس
سرير للنونو
تقريبا هذي المهمه ولاتنسيني من دعائك

اغراضك انتي خذي لك كم من قميص وكم من بجامه ودرزن كلوتات وستيانه رضاعه 3 خذي اكبر من مقاسك بمرتين ومسفع

وشراريب وسراويل طوال قطن وتكون مقاس كبير شوي عشان ماتحز على بطنك وتوجعك

النونو دولاب الي يجيك اعمده بلاستيك وقماش تجمعين فيه الملابس والمهد
انا اخذت 13 بربتوز الي رجوله مسكره لان ولادتي باذن الله في الشهر الداخل يعني برد انجيت على اشكالها ماقاومتها وبجامه وحده
وسرير واحد الي تشيلينه معك لاي مكان الصغير
ومقاط

و3 بربتوز داخلي كم طويل و3 كم كات

وقبوعين تجي طقم معها دسوس يدين ورجلين وابه

وفوط سعنونه 6 حبات في كيس بس الاصليه لانها ناعمه على بشره الطفل

وخذت 5 مهد النوعيه الزينه وتكون جبره سعني ثقيله شوي عشان زي ماقلت لك ولادتي ببرد ومدس وكنبل ومدس فخم مع مهاده صوف شغل يد

وفوطه لف مع قبوعها ناشب فيها
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اغراض الصيدليه

3 رضاعات مقاس 6 قزاز ماتحتاجين بلاستيك لانك انتي بتمسكينها

وحفايظ حديث الولاده بابمرز
وفوط صحيه لك الويز الزهريه
وكريم حق تشقق الحلمات الامن وقت الرضاعه
وحفايظ الصدر
وموية غريب عشان مغص البطن الي يجي الطفل ومو اساسي اليانسون والسكر نبات افضل
وخذي من مجموعة جونسنون شامبو وبودره والزيت والمناديل الصفرا مدري شسمها المرطبه
ومصاصه مدري لهايه وحده بس لان يمكن مايتقبلها الطفل
ومسحات طبيه مشبعه الي تجي رطبه مره عشان تنعصر على السر عشان يطيح ويتعقم في نفس الوقت
وعود اذاني صغيييير ومقص اظافر صغير وفرشة شعر صغيره نااااااعمه مره واهم شي الصندوق المقسم عشان تحطين الاغراض فيه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اغراض العطار
رشاد حلبه حبه سودا مر ماش شمر فلفل ابيض وفلفل اسود وزنجبيل حار وقرفه وعويدي وزعتر وقشر قهوه كمون يانسون بابونج
واغراض الكبو فلفل هوا وعود هوا وخواجوا وقشر بصل حق البيت احسن من حق العطار
وحلتيته<<< اكرهها بس عشان الشمم
وزيت زيتون اصلي وعسل
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
واهم شي عطر جوفان الابيض احلى من الارونج عطري ملابس النونو مره وحده وخلاص لاتحشرينه بالعطر
وشنطه المستشفى جهزتها وحطيت فيها الاتي
بجامه لي وقميص و2 كلوت وستيانه حقة الرضاعه وشرابين ومسفع
ولنونو 2 بربتوز خارجي و2 بربتوز داخلي واحد كم طويل واحد كات
ومهادين ومدس واحد ثقيل
وقبعه وحده اخاف تطلع بنتي صلعاء.<<خخخيارب تجي بالسلامه
وفرشة اسنان ومعجون ولابيلو مرطب شفايف وفرشة شعر وكحيله وقلم حواجب
وحطيت لي كم من حبة الويز اخاف ماتناسبني الحفايظ حقتهم
ومنشفه صغيره امسح وجهي فيها او يدي بس
ــــــــــــــــــــــــــــــــــــــــــــــــــــــــــــ
ملاحظه بحط لك رابط موضوعي عن اغراض النفاس وتابعي لين احد يقول كيف التقسيم
الشي الثاني ادعي لي وكل وحده تقرى ردي
ان الله يهون علي ويسهل علي ولادتي ويجعلها يسره سهله ويجعل خروج جنيني مني مثل شربة المويه ولايكشف عورتي لرجال ويطرحني في يدين ناس يخافون الله ورحومين
ويرزقني الضنا الصالح الكامل المعافى من غير زيادة ولا نقصان وكل حامل يارب
ويرزق كل محرومه يارب
ـــــــــــــــــــــــــــــــــــــــــــــــــــــــــــ
اتمنى اني افدتك بالي اقدر عليه لاني زيك بكريه اوسع صدري بالسوق والا طول الوقت خايفه من الولاده الله يسهلها يارب