أفيدوني يا أمهات 😩

شكلها مادخلت تمهيدي
اساليها عن الالعاب اللي تحبها
وقولي لها اذا دخلتي المدرسه وصرتي شطوره
اجيبها لك واذا نجحتي اسوي لك حفله وكتب اسمك على الكيك
وقوليلها بيعطوها هدايا في المدرسه
رغبيها فيها

لاتخافي ربك بيسرها انا كنت شايله هم بنتي لاني دخلتها صغيره وزيادة دخلت روضه بس اسبوعين وكانت تبكي لازم اروح معها او جدتها مع انه كان معها عمها بالروضه لكن يلتهي ويجلس يلعب ويقولها لاتلعبين مع الاولاد العبي مع البنات وهي ماتبغى تفارقه ويوم تداوم ويوم لا لحد مانقلنا عند زوجي ودورت لها روضه وكلهم رفضوا يقولون زحمه وجلستها بالبيت وقلت كيف بدخلها مدرسه وهي كذا لكن الحمدلله دخلت المدرسه رحت معها يومين بس وبعد كذا صارت تروح لحالها وحبت المدرسه وتجي تحكي عن البنات وانا اللي كنت احزن ويجيني البكاء كل ماداومت لاني كنت ماحب المدرسه رغم اني شاطره لكن اكره المدرسه وماتعرف على احد بسهوله تخيلت بنتي بتطلع مثلي لكن الحمدلله لدرجه لو بغيبها تبكي ولو صحت وعرفت ان الدوام فات تقلبها مناحه ولما كانت بصف ثاني داومت لحالها ماجات ولاطالبه من فصلها لانه وقتها مقبلين على اجازه والكل يغيب وهي مارضت والحين رايحه سنه رابع ماشاء الله وبدت تلعب بذيلها من كثر ماتشوف صاحباتها يغيبون صارت تقلدهم
وبنت سلفتي بعد اذكر امها دايم تشكي لي انها كيف بتدخل المدرسه البنت منطويه مره لكن الحمدلله دخلت وامورها تمام
وولدي بعد كنت متخيله انه ماراح يندمج لانه اصلا عنده مشاكل صحيه وتواصله الاجتماعي مو كل هذا ودخلته روضه وكان مايبغاني افارقه لكن الحمدلله يوم عن يوم صار يداوم ودخل المدرسه وصار عند اصدقاء والحين رايح صف ثاني لكن حنا دايم نشيل هم سبحان الله


حصني بنتك قبل تداوم ومن الحين تكلمي لها عن المدرسه وانها حلوه وبتلقى صاحبات يلعبون سوا وان شاء الله بس تكون معلمتها حبوبه لان بعض المعلمات هن ينفرن الاطفال الله يهديهن

تجربتي شوفي وقرري
دخلتها الروضه 😢بس بنتي تصيح وتصرخ وتدق علي المديره شبه يومي واروح لها كرهت المدرسه
المهم بروضه تدرس يوم والباقي غايبه
دخلت المدرسه
كل اللي بالمدرسه الطالبات ضحك وناسه الا بنتي تبكي اول يوم طبعا
جتني مدرسه الله يوفقها وين ماراحت
قالت من ترجعين البيت لاتخلينها تجلس بمكان انتي فيه وخوذي اخوانها واشتري لهم وهي همشيها وبيني لها انها فشلتك الكل يضحك الا بنتك
ومن رجعت اقولها تفشلت منك بس انا بنتي تبكي قومي عن وجهي واعمل نفسي مريضه لانها احرجتني واتكلم لبوها البنات لعب وضحك الا بنتك 😂وهو نفس الحكايه سواء نفسه مصدوم
قسم بالله يوم جاء بالليل ترسل خواتها قولو لماما اني اصير عاقله واطيعها ومابكي
بس تسمح لي اطلع من الغرفه😃جو قالو لي قلت زين خلوها تجي
جت عندي قلت ليه ياماما بس بنتي تبكي تفشلت الحريم يضحكون علي كلهم بناتهم يضحكن😆😁😉والله رحت معها ثاني يوم الاشاقه الضحكه وتطالع لي وتضحك😨بدون سبب هههههه والحمدلله تعدلت هالحين هي بخامس