ابدي بالملابس واذا حاطه فبالك بتنحفين صغري المقاس شوي او العكس

انا بشهر عشره بس مراح ابدي تجهيز الا ع سبعه

بس مفكره اشتري الذهب الحين قبل لايرتفع

ياحبي لكم مشغولات بالتجهيزات ..

بنات نصيحه لا تهتمون ابد ابد ابد .. كل شي ربي يسهله بس انتم خلكم رايقات وهاديات ومبتسمات .. والدعاء لا تنسونه ..

بالنسبه لشنطة شهر العسل حبيت افيدكم من تجربتي ..

اللي تحتاجينه ..( ملابس خفيفه اهم شي .. مثل برمودا سترتش وبدي خفيف .. لأن وقتها راح يكون حر وهالملابس مره مريحه بالطلعه .. مايمنع تاخذين لك كم لبسه كشخه له .. لكن لا طلعتو احسن شي السترتش .. الجينز الثقيل مرررره يضايق ..)

الملابس الداخليه .. ( كثروووو كلوتات .. الا اللي تستخدم كوتكس يومي عادي خذي عدد معقول ..)

الجزم ( خذي نعول وفلات وبس لا تكثرون .. اذا تبي تاخذين كعب عشان تكشخين قدامه خذي واحد وكعب صغير )

خذي اكسسوار بسيط .. اهم شي الخواتم والساعه وقلب واحد خليه عليك طول الوقت ..

اهم شي اهم شي ( شفرات حلاقه + غسول للمنطقه من بيزلين يجنننن + قطن + سيورم للشعر + استشوار صغنون + مناكير + مزيل مناكير + مزيل مكياج + رغوة ويلا اذا حبيتي تجعدين + مشابك شعر + شباصات 2 او 3 + عطر جسم واحد .. وعطرين ملابس + مزيل عرق + شامبو + بلسم شعر + شرايح فيت + مكياج يومي ( اساس / بودره / كحل / مسكره / ارواج / قلم حواجب )+ كريم ترطيب من جونسن لأنه مايتأثر من الضوء والشمس + واااااقي شمس بنات اهم شي واقي الشمس والله انا انحرقت من الشمس .. ومو اي واقي تاخذين .. روحي لدكتوره خلها تشوف بشرتك وتحدد وش تحتاجين + مناديل + جل معقم + فام + فوط صحيه يوميه مثل كوتكس)

الفوط والله يابنات ان الفنادق ملياااانه فوط وكل يوم يغيرونها .. حتى روب الحمام موجود بكل فندق حاطين ..

المكوى بكل فندق فيه لا تاخذون ..

قمصان النوم مو ضروري تاخذين لكل ليله قميص .. خذي تقريبا 10 ونوعي بينهم .. شي قميص وشي بيجامات وكذا ..

.....................

التجهيز وهالحاله لا تتضايقون اذا ماكمتو تجهيز .. لا سافرتو راح تشرون كثير ..ولا تستحين .. اللي بنفسك خذيييييه ..

.............

وخليكم رايقات .. كل شي بيمر بسهوله ان شاء الله ..


الله يوفق الكل واي سؤال انا جاهزه .. بس ع الخاص والله مو كل يوم ادخل هنا

ربنا هب لنا من ازواجنا وذرياتنا قرة اعين واجعلنا للمتقين إماما

موفقاات بإذن الله

تسلمييين ياجامعية مقروده
ربي يبااارك بدنياك ويعلي قدرك باخرتك
مشكوووره