*Jen @jen_1

عضوة نشيطة

أقتراح حلو.. المطابخ العربيه والخليجيه بالذات

السلام عليكم ورحمة الله وبركاته

هلا بالجميع.. اولا اقدم نفسي عضوه جديده اعجبت بالمنتدى وبالاخص الطبخ وصارت عندي هواية الطبخ..

ثانيا : - وهو موضوعنا نبي نتعرف على الاكلات اللي تتميز بها كل دوله مثلا الامارات لهم اطباق خاصه تختلف عن السعوديه والكويت وعمان وقطر والبحرين..

ياريت كل عضوه من اي دوله تكتب بعض الاكلات اللي تتميز بها دولتها وماتنطبخ ولا معروفه في دوله ثانيه يعني الفطور في العاده شو يكون والغدى والعشى . . . . اوكي

عندنا اكلات اماراتيه بذكرها بدون الطريقه واذا حابين تعرفون على الطريقه بكتبها لاحقا

البلاليط .. هل سمعتم عن البلاليط من قبل وايش هي مكوناته
الهريس .. تعرفونه
الخبيصه
العصيده
خبز رقاق
البثيثه
الخميره
الجباب
الثريد اللي هو خبز رقاق مع صالونه لحم او دجاج.. الخ

:time: احم ليش الصور التعبيريه عندكم في المنتدى كبيره

558

يلزم عليك تسجيل الدخول أولًا لكتابة تعليق.

تسجيل دخول

<<أم ربى>> • 20 سنة

فكره حلو الله يعطيك العافيه :26:

هناء_الكويتيه • 20 سنة

السلام عليكم واللة غوش فكرة ياللة توكلنا على اللة احنا هنى بكويت عندنا المربين والقبو ط والجريش والهريس والمكبو س والتى تبى وحدة احنا حاضرين :26: :26: :26:

أم بناتي • 20 سنة

البلاليط :
يحمس في مقلى فيه زيت حامي لين ما يحمر، بعدين اسلقيه بموية مغلية حطي معه شوية ملح وزيت، اشخليه لما يستوي وحطي معاه سكر وشوية هيل نحط من فوق بيض مقلي على الواجهةهذي طريقته؟؟؟؟
تكفووووون عطوني طريقة: خبز رقاق البثيثه الخميره الجباب!