كلامج صحيح

والسبب ليش الرجال مايفضفضون لزوجاتهم (أو للحريم عموما) على ما ذكر في كتاب (الرجال من المريخ النساء من الزهره) هو كالتالي:

--- الرجل لما يطيح بمشكله، ما يتكلم، ويفضل انه يجلس مع نفسه بهدوء يفكر في حل. ما راح يرتاح الا اذا لقى حل..

--- المره اذا طاحت في مشكله، ممكن انها ترتاح بمجرد انها تفضفض حق احد وتتكلم عن مشكلتها ، مو شرط انها تلاقي الحل، المهم تلقى اللي يفهمها ويواسيها بكلمتين حلوين..

عشان جذي الرجال لو طاحوا بمشكله ما يتكلمون لأنهم يدرون انهم حتى لو تكلموا مع زوجاتهم فهم لا راح يلقون عندهم حل، ولا راح تريحهم هالفضفضه

والرجل يفضل في هالحاله، اذا كلّش استفحلت مشكلته انه يكلم رجل مثله، ويكون متأكد ان هالرجل ما راح يصف له كلام مواساه ومؤازره، بل بالعكس، راح يفكر معها في حلول واقعيه

ما شاء الله عليك كلامك كله صحيح و انا لاحظت هالشي انه لما اسأله ما يرضى يقول و يتضايق بس انا الحين قاعده احاول ان ما اكون فضوليه ترى اريح

مدري انا بالعكس اشوف زوجي فضولي ويستغربني اني مااحب احكي عن اهلي !!! وانا ماادخل بمشاكله مع اهله احاول دائما اذا شفته مضايق اسأله وش فيك ؟؟ اذا قالي ان صار لاخته كذا وكذا مع زوجها .......... اسكت واحاول احكي عن اي شي ثاني علشان اطلعه من الوضع الي اهو فيه بس من دون مااسأله وش القصه ؟؟ ومن فتره صارحني قال اني مااهتم فيه ولا اسأل اذا شفته مضايق ولا احاول احل معه المشكله واني اعامله كأنه غريب لاني مااعلمه بمشاكل مثلا خواتي مع رجاجيلهم !! صراحه استغربتتتتتتتتتتتت بس انا فعلا كتومه مااحب احكي عن كل شي ومستحيل اتغيرررررررررررر

جزاج الله خير حبيبتي
والله انج صادقه
قبل كنت اسأله واضغط عليه .. ما يقول لي شي
و الحين يوم صرت ما اسأل.. ما شاء الله عليه يجي عندي ويقول لي كل اللي عنده

أم نوف وملوك أنتي الأروع يالغلاااا أمين الله يخليه لك ولعيالك يارب


زووونا العفو ياقلبي ويسلموووووووو على المشاركه اللي زيك ياقمر وبجد كتاب الرجال من المريخ والنساء من الزهره أنصح الجميع يقرونه مهم جدآآآ


لينا الحلوه اللي ينطبق على زوجك ماينطبق على الثانيه وكل
وحده أدرى برجلها وعامليه بالطريقه اللي تريحه وهذا المهم
وحاولي تجين على نفسك عشانه بس أحنا نتكلم عن الرجال بشكل عام مب زينا يحبون لهذره خخخخخخخ منوره ياقمر

نظر عينه الله يخليك ياقلبي وشفتي كيف نصايحي ماتخرش الميه خخخخخخخخخ طبقي النصايح وأن شاءالله مابتندمين منوره يالغلاااااا