السلام عليكم ..
بنااات أنا حامل بنهاية الشهر الرابع(الاسبوع17) رحت اليوم المستشفى عندي موعد سونار وادخل للدكتوره
لما دخلت اسوي السونار اللي تسويه لي طولت تناااظر بعدين طلعت ونادت وحده ثانيه ويشوفون وربع ساعه تقريبا وانا ع الحاله واسألهم شفيكم؟ الجنين فيه شي؟ تقول لا مافيه شي
وتطلع وتنادي استشاريه ويقعدون ربع ساعه كمان,, انا خلااااص ماعاد اتحمل واقعد ازن عليهم شلون تقولين مافيه شي وانتي كل شوي تنادين احد يشوف؟؟!! شالسالفه وساااااكته ماترد علي
وثلاثتهم يجتمعون ويقرقون ويحطون الجهاز علي ويشيلونه ويحطونه وانا اعصابي تلفت واسأل شفيه؟ شصاير؟ طمنوني؟؟؟ وزهقتهم,, قالت لما تدخلي عند الدكتوره هي تقولك احنا مانقدر
اتصلت بزوجي وانا منهاره وكلم زوجي دكتور يعرفه بنفس المستشفى وجاء وشاف الاشعه
وقاااال:: مشكله بسيطه(لأن حتى الدكتور خاف لايكون شي اقوى لما قاله زوجي ايش سووا معي بالاشعه) شاكين بأقدام الجنين مقوسه (لافه على داخل)
بس مانتأكد إلا بالشهر السادس
حمدت ربي وقعدت اصيح لاني توقعت شي اكبر تشوه او إعاقه لاقدر الله ,, بس الحمدلله على كل حاااال ..
الله يخليكم اللي صار معها هالشي تطمني الله يطمنها ويرزقها الذرية الصالحة وكل من تقرأ موضوعي يااارب...
%حكـــاية إحســاس% @hkay_ahsas_4
عضوة فعالة
يلزم عليك تسجيل الدخول أولًا لكتابة تعليق.
الله يفرحك بشوفته سليم ومعافا ويطمن بالك بس ماعندي فكره عن اللي قلتيه
بس اعرف انو البيبي لما يولد يطلع تقوس في رجلينه ويتعدل عادي
بس اعرف انو البيبي لما يولد يطلع تقوس في رجلينه ويتعدل عادي
التقوس مو بالرجل كامل لا بس بالقدم ,,
مشكوووووووورين ع الرد والله يتمم عليكم ويرزقكم بماتتمنون سليما معافى ..
مشكوووووووورين ع الرد والله يتمم عليكم ويرزقكم بماتتمنون سليما معافى ..
الصفحة الأخيرة
يطلع على هالدنيا ويقر عين امة ابوه سليم معافى
ان شاء الله يفيدونك البنات
موفقة