أقدر أرضع ولدي و أنا حامل ؟؟

الحمل والإنجاب

السلام عليكم ورحمة الله و بركاته
الموضوع باين من عنوانه ؟؟
ابغي اتأكد من الموضوع هذا اللي عندها خبرة ترد علي الله يخليكم

ولدي عمره 6 شهور و اليوم حللت و طلعت حامل و الحمدلله على كل حال
السؤال :
أقدر ارضع ولدي و الا لازم افطمه ؟ و ليش ؟ شو الاضرار ؟ انا بصراحة ابغي ارضعه بس خوفوني من السالفة و يوم سألت خالتي قالت عادي احنا قبل كنا نرضعهم و عيالنا ما شاء الله كانوا ورا بعض و ما كان يسوي بنا او يسوبهم شي ...

فأبغي أتأكد يا أخواتي ..........

:26:
16
4K

يلزم عليك تسجيل الدخول أولًا لكتابة تعليق.

تسجيل دخول

حبيبة سلوم
حبيبة سلوم
انا سمعت انه يضر الطفل الأن الحليب تذهب فوائده مع الحمل
عيشي بلادي
عيشي بلادي
مشكوووورة اختي على الرد
ياليت البنات يفيدونا أكثر
أنستازيا
أنستازيا
قريت في مواقع طبية انه مب زين .. لأن الفوايد ما بتكفيكم ثلاثتكم ..
يا انتي وطفلج او انتي والجنين ..
حاولي تفطمينه بالتدريج ..
وأعتقد ان الحليب بيتغير أصلا تلقائي ..
اسئلي دكتورة أحسن ..
بحر الخواطر
بحر الخواطر
انا اختي كانت اترضع ولدها لين ماوصلت الشهر الخامس وعقب فطمته..

بس الدكتوره كانت اموصتنها انها تشرب حليب زياده وبيض وهالسوالف.. يعني مقدار الكالسيوم اتزيده
تـــــــــــالا
انا اعرف انه تقدرين ترضعينه الـ3 الشهور الاولى من الحمل وبعدين تفطمينه..
والله يعينك...