أقرأي وساعديني بحل بسرعه

بصراحه ماشوف ان اللي سواه يتحمل انج تقاطعينه

كثير من الرجال يسوون زيه

انتي ابدأي بالصلح ولا تكونين سلبيه واذا كان في مشكله

الأفضل أنج تحلينه مو تزعلين وتسكتين

وبعدين الموت ماله شغل بزعلج عليه والعزا واجب لازم تروحين مايصير

يعطيك العافيه -طير الرهو على المشاركه
بس اني انا دايم ازعل منه وهو مايصالحني --وهالمره انه قال روحي بيت اهللك لسبب تافه والمشكله اني انا الصح--مليت هو يغلط وازعل وانا اللي اصالحه مليت --بعدين مو بس السبب هذا مهمل كتير لبيته وقفل الجوال -- واشياء اخرى وحاولت افتح الحوار واتحل المشكله بس هو ملزم باني اروح لاهلي طفشت منه-- وماخفي كان اعظم --بعدين العزى بيستغربوا اني حاجي اخر العزى--- وهم يوميا يجون
معليش طولت عليكم

يعطيك العافيه --النويرة--على المشاركه
معاكم حق اروح للعزى وما اكلمه--بس كيف اعزي اهله واذا سالوا عن سبب غيابي ماادري وش اقول وش رايكم
معاكي حق اني ما اسكت عن حقي وانه يتاجر باسمي ومالي نصيب ولاهو مخليني اساهم

كلامج عدل يا هيام انا مافهمت من بدايه الموضوع انه طلب منج تروحين لبيت أهلج

في هذا هو غلطان ولا تكلمينه الا لما يجي يصالحج

وروحي للعزا ولو سألوج قولي انك كنت مريضه ..

واذا رديتي له وصار مره ثانيه زعل حاولي تعلمينه كيف يراضيج مو بس تنتظرين

ترى كثير من الرجاجيل ما يعرفون كيف يصالحون ويعتبرون هذا كسر لكبرياءهم

بس انتي وشطارتج اذا غلطتي عليه ولو غلط بسيط قولي له انا اسفه بصوت مسموع

عشان يتجرأ هو في المرات الثانيه .. وبعدين المفروض لما طلب منج انج تروحين لبيت اهلج انج ما ترضين وتصرين على رايج لأن شغله مو صحيح المفروض المره ماتطلع من بيت زوجها مهما كان وهالمره اذا طلب منج نفس الطلب خوفيه وقولي له تراني اذا رحت لأهلي مابرجع واللي في راسك سوه وترى الله ما يرضى بالظلم وانت جالس تظلمني ..

واذا ما نفع كل هذا وسطي بينكم رجال لأن الرجال ما يسمعون غير كلام الرجال بشرط ان يجيه بالهدو وانه يكون قريب له .. والله يعينك ويساعك ويفرج عنك يارب .

وحاولي تحتوينه بكل ما فيه ..

اخت هيام ابراهيم

التعزية لها فضل عظيم
فأدي الواجب الي عليك واحضري العزى وخليك سنعة
وهذا ماله علاقة بزعلك من زوجك
وعلى حسب اذا الواجب والطبعي انك تحضرين كل ايام العزا احضريها
واذا الواجب والطبيعي انك تحضرين يوم واحد بس احضري اليوم